વડસર બ્રિજ થી દરબાર ચોકડી વચ્ચે કારમાં આગ લાગતાં વાહનવ્યવહાર પર અસર

વડોદરાઃ શહેરમાં ચોમાસા દરમિયાન પણ વાહનોમાં આગ લાગવાના બનાવો બની રહ્યા છે.બે દિવસ પહેલાં આજવા રોડ પર કારમાં આગનો બનાવ બન્યા બાદ આજે વડસર વિસ્તારમાં પણ એક કારમાં આગ લાગી હતી.

વડસર બ્રિજ થી દરબાર ચોકડી વચ્ચે આવેલી સ્કૂલ નજીક આજે સવારે પસાર થતી કારમાં આગ લાગતાં ચાલકનો બચાવ થયો હતો. થોડી જ વારમાં આખી કાર આગમાં લપેટાઇ જતાં લોકોમાં ગભરાટ ફેલાયો હતો.બનાવને પગલે એક તરફી માર્ગ બંધ કરી દેવાતાં વાહન વ્યવહાર પર અસર થઇ હતી.ફાયર બ્રિગેડે આગ કાબૂમાં લીધી હતી.