સરકિટ હોઉસમાં રૃમના એસીમાં શોર્ટસર્કિટ થતાં આગ,ઓડિટર બહાર નીકળી જતાં બચાવ

વડોદરાઃ વડોદરા સરકિટ હોઉસના એક રૃમમાં આજે સાંજે એસીમાં શોર્ટસર્કિટ થતાં આગનો  બનાવ બન્યો હતો.જો કે તેમાં કોઇ જાનહાનિ થઇ નથી.

અલકાપુરી ખાતેના સરકિટ હાઉસના રૃમ નંબર ૮માં ઓડિટ કરવા આવેલા રાજકોટના આસિ.ઓડિટર હાજર હતા ત્યારે એસી ચાલુ કરતાં શોર્ટસર્કિટ થવાથી ધુમાડા છવાયા હતા.

અધિકારી સમયસૂચકતા રાખી બહાર નીકળી ગયા હતા.તો બીજીતરફ સરકિટ હાઉસના સ્ટાફે ફાયરના સાધનોથી આગ કાબૂમાં લીધી હતી.ફાયર બ્રિગેડ પહોંચી ત્યાં સુધી આગ કાબૂમાં આવી ગઇ હતી.જો રાત્રિના સમયે આ બનાવ બન્યો હોત તો જાનહાનિ તેમજ મોટું નુકસાન થયું હોત.