કલોલના પૂર્વમાં વૃદ્ધાના ગળામાંથી સોનાના દોરાની લૂંટ કરી બાઈક સવાર પલાયન

વહેલી સવારે  પાંચ વાગે લૂંટારોએ ગળામાં પહેરેલ સોનાના દોરાની  લૂંટ કરી  ફરાર

કલોલ :  કલોલ શહેરના પૂર્વ વિસ્તારમાં એક વૃદ્ધા તેમના પતિ ના કરિયાણાની દુકાને બેઠી હતી ત્યારે વહેલી પરોઢે પાંચ વાગે બાઈક ઉપર આવેલા અજાણ્યા લૂંટારોએ તેમના ગળામાં પહેરેલ સોનાના દોરાની લૂંટ કરીને ભાગી છુટયા હતા બનાવને પગલે આસપાસમાં ચકચાર મચી જવા પામી હતી પોલીસે કરાર થઈ ગયેલા અજાણ્યા લૂંટારો સામે ગુનો દાખલ કરીને તપાસ ચલાવી છે.

આ બાબતે મળતી વિગતો અનુસાર કલોલ શહેરના પૂર્વ વિસ્તારમાં આવેલા બ્રહ્માણી કિરાણા સ્ટોર માં હીરાબેન ધીરુભાઈ મકવાણા બેઠા હતા કરિયાણાનો   સ્ટોર તેમના પતિ ચલાવે છે અને તેમના ત્યાં દૂધનું વેચાણ થતું હોવાથી તેઓ વહેલી પરોઢે પાંચ વાગ્યે દુકાન ખોલીને દૂધ ની ગાડી આવે તેની રાહ જોઈ રહ્યા હતા ત્યારે બાઈક ઉપર બે અજાણ્યા ઇસમો આવ્યા હતા અને તેમણે કહેલ કે તાનસેનની પડીકી જોઈએ છે જેથી મહિલા ઊભી થઈને દુકાનમાં પડીકી લેવા જતા બાઈક ઉપર આવેલા લૂંટારો હોય તેમના ગળામાં પહેરેલ સોનાના દોરાની લૂંટ કરીને ફરાર થઈ ગયા હતા મહિલાએ બૂમાબૂમ કરી મૂકી હતી પણ બાઈક ઉપર આવેલા લૂંટારો ભાગી છૂટયા હતા રૃપિયા એક લાખ નવ હજાર ની કિંમત ના સોનાના દોરાની લૂંટ અંગે તેઓએ પોલીસ મથકમાં ફરિયાદ નોંધાવતા પોલીસે ગુનો દાખલ કરીને તપાસ ચલાવી છે.