વસતી 25 લાખને પાર છતાં એક જ RTO કચેરીના કારણે અરજદારોને મુશ્કેલી

વડોદરા : વડોદરાનો વિકાસ અને વસતીનો વધારો થઇ રહ્યો છે તેની સરખામણીમાં સરકારી ઇન્ફ્રાસ્ટ્રક્ચરમાં વધારો અને સુધારો નથી થઇ રહ્યો જેના કારણે સમસ્યાઓ વધી રહી છે. વડોદરામાં છેલ્લા ઘણા વર્ષોથી બીજા આરટીઓ કચેરીની માગ થઇ રહી છે પરંતુ આ માગ ઉપર સત્તાધિશો દ્વારા ધ્યાન આપવામાં આવી રહ્યુ નહી હોવાથી લોકોને ભારે મુશ્કેલી પડી રહી છે.

વડોદરા RTOએ 72 વર્ષમાં સરકારને 2892 કરોડની કમાણી કરી આપી

અગાઉ વડોદરામાં વારસીયા વિસ્તારમાં આરટીઓ કચેરી કાર્યરત હતી ત્યાંથી હટાવીને હવે વડોદરાની બહાર, હાઇવેને પેલે પાર દરજીપુરા ગામમાં આરટીઓ કચેરી બનાવવામા આવી છે જે વડોદરાથી ૨૦ કિ.મી. દૂર થાય છે એટલે અરજદારોએ નાના કામ માટે પણ આવવા-જાવાના મળીને ૪૦ કિ.મી.નો ફેરો પડે છે. તેમાં પણ જો કામ ના થાય તો ફરીથી ધક્કો થાય છે. સરકાર આરટીઓની કામગીરી ઓનલાઇન કરી રહી છે પરંતુ તેમા પણ ખામી હોવાના કારણે લોકોએ એજન્ટોના શરણે જ જવુ પડે છે અને આરટીઓ કચેરીના ધક્કા ખાવા પડે છે. આ સમસ્યાથી બચવા માટે લોકો પશ્ચિમ વિસ્તારમાં આરટીઓ કચેરીની માગ કરી રહ્યા છે.