અછોડો તોડનાર આરોપીની પાસામાં અટકાયત કરાઇ

વડોદરા,દારૃના ગુનાના ત્રણ આરોપી તેમજ લૂંટ અને ચેઇન સ્નેચિંગના ગુનામાં સામેલ પાંચ આરોપીઓની પાસા હેઠળ અટકાયત કરવામાં આવી છ.

ચેઇન સ્નેચિંગના ગુનામાં સામેલ આરોપી ચંદનસિંગ દયાશંકર રાજપૂત ( રહે. ડી માર્ટ પાસે ન્યૂ વી.આઇ.પી.રોડ) ની પાસામાં અટકાયત કરી રાજકોટ જેલમાં મોકલી આપવામાં આવ્યો છે. ખંડણી અને લૂંટના ગુનામાં સામેલ આરોપી રાહુલ ઉર્ફે પલ્લો પ્રવિણસિંહ રાઠોડ (રહે. અંબિકા નગર, દીવાળીપુરા) ને પાસામાં પકડી રાજકોટ જેલમાં મોકલી અપાયો છે. વિદેશી દારૃના ગુનામાં સામેલ આરોપી જગદીશ લક્ષ્મણભાઇ રાવલીયા (રહે. ભાલીયાપુરા ગામ, વડોદરા) તથા સુનિલ ઉર્ફે ભાણો  પ્રવિણભાઇ પરમાર (રહે. તરસાલી) ની પાસા હેઠળ અટકાયત કરી પાલનપુર અને મહેસાણા જેલમાં મોકલી આપવામાં આવ્યા છે. જ્યારે દારૃના ગુનામાં સામેલ અન્ય આરોપી આકાશ અશોકભાઇ ઠાકરડા (રહે. ભાલીયાપુરા ગામ) ની પાસા હેઠળ અટકાયત કરી અમદાવાદ જેલમાં મોકલી આપવામાં આવ્યો છે.