દારૂનો ધંધો શરૂ કરાવવા દબાણ કરી લાંચની રકમ લઈ કોન્સ્ટેબલ ફરાર

Image Source: Freepik

કેવડિયા કોલોની ખાતે એસીબીની ટ્રેપ: 15હજાર લઇને નાસી જનાર કોન્સ્ટેબલની શોધખોળ 

વડોદરા, તા. 23 માર્ચ 2024 શનિવાર

નર્મદા જિલ્લાના કેવડીયા કોલોની નજીક એક શખ્સ તેના મિત્ર સાથે ભાગીદારીમાં દારૂનો ધંધો કરતા હતાં. છેલ્લા પાંચેક માસથી બંને દારૂનો ધંધો કરતા ન હોવા છતા બંને મીત્રને SOU સલામતી પોલીસ સ્ટેશનના કર્મચારી રાકેશભાઇ સુખીરામ શર્મા દારૂના કેસમાં નામ નહી ખોલવા માટે અવાર-નવાર હેરાન કરી તેમજ દારૂનો ધંધો ચાલુ કરવા સારૂ રૂ.૨૫,૦૦૦/- ની માંગણી કરેલ જે પૈકી રૂ,૧૫,૦૦૦/- હોળી પહેલા આપવા જણાવતા જે લાંચની રકમ આપવા માંગતા ન હોય, જેથી ૧૦૬૪નો સંપર્ક કરતા ફરીયાદ આધારે ગોરા ત્રણ રસ્તાથી નવા બ્રીજ તરફ જતા બ્રીજના છેડાની ડાબી સાઇડે એસીબી દ્વારા છટકું ગોઠવતાં પોલીસ કોન્સ્ટેબલ રાકેશ શર્મા લાંચ પેટે રૂ।.૧૫,૦૦૦/- સ્વિકાર્યા બાદ લાંચના નાણા લઈ નાસી ગયો હતો.