સેન્ટ્રલ જીએસટી દ્વારા તા.૪ સુધી તકેદારી જાગૃતિ સપ્તાહ

બુધવાર તા.30 વડોદરામાં સેન્ટ્રલ જીએસટી દ્વારા 'રાષ્ટ્રની સમૃદ્ધિ માટે અખંડિતતાની સંસ્કૃતિ' થીમ સાથે તારીખ ૨૮ ઓક્ટોબરથી ૩ નવેમ્બર દરમિયાન તકેદારી જાગૃતિ સપ્તાહ ૨૦૨૪ મનાવવામાં આવી રહ્યું છે. આ પહેલના ભાગરૃપે, કરદાતાઓ માટે ફરિયાદ નિવારણ શિબિરનું આયોજન કરવામાં આવ્યું છે.

તારીખ ૪ નવેમ્બરના રોજ સવારે ૧૧ થી બપોરે ૧.૩૦ સુધી આ શિબિર યોજાવાની છે. જેમાં કરદાતાઓને હાજર રહેવા જણાવાયું છે. આ શિબિરમાં કરદાતાઓ સેન્ટ્રલ જીેસટીને લગતી પોતાની ફરિયાદો અને તકલીફો રજૂ કરી શકશે. વડોદરામાં કમિશનરની કચેરી, સી જીએસટી અને સીઈ વડોદરા-૨ જીએસટી ભવન, સુભાનપુરા, હાલોલમાં દદનીશ કમિશનરની કચેરી, વિભાગ-૧, ૨ અને ૩, સીજીએસટી પ્લોટ નં.૬૨૨ સામે જીઆઈડીસી- હાલોલ, ભરૃચમાં મદદનીશ કમિશનરની કચેરી, વિભાગ ૬ અને ૭, સી જીએસટી ભવન, અમી ધારા ટાઉનશીપ સામે, ગેસ કંપની, કણબીવગા- ભરૃચ, અંકલેશ્વરમાં મદદનીશ કમિશનર કચેરી, વિભાગ ૮, ૯, ૧૦, ૧૧, સેન્ટ્રલ જીએસટી, સી/૪/૯, રોશન સિનેમા પાસે, સેન્ટ્રલ જીએસટી અને સેન્ટ્રલ એક્સાઈઝ રોડ, અંકલેશ્વર ખાતે શિબીર યોજાશે. વડોદરા કમિશનર સી જીએસટી અને સીઈ વડોદરા-૨ દ્વારા કરદાતાઓને આ શિબિરનો લાભ લેવા જણાવાયું છે.