ઇલોરાપાર્કમાં ચેતવણી વગર તમાકુની પ્રોડક્ટ વેચતા વધુ બે દુકાનદાર પકડાયા

 વડોદરાઃ અકોટામાં તમાકુ મોત નોતરે છે તેવી ચેતવણી આપ્યા વગર તમાકુની પ્રોડક્ટ વેચતા ત્રણ વેપારી સામે પોલીસે ગુનો નોંધ્યા બાદ ઇલોરા પાર્ક અને ગોત્રીરોડ વિસ્તારમાં વધુ બે દુકાનદાર સામે પોલીસ ફરિયાદ થઇ છે.

એસઓજીએ આઇનોક્સ પાસે પેટ્રિએટ કોમ્પ્લેક્સમાં આવેલી રાજધાની ટી એન્ડ પાન કોર્નરના સંચાલક પાર્થ નટરવરભાઇ પ્રજાપતિ (ધરમપુરા ,સ્વામિનારાયણ મંદિરપાસે, ઇલોરા પાર્ક) તેમજ હરિનગર ચાર રસ્તા પાસે સુનેર કોમ્પ્લેક્સમાં આવેલી શ્રીજી પાન એન્ડ કોલ્ડ્રિંકના સંચાલક કાલીચરણ હરિલાલ અગ્રવાલ(શ્રી સ્વામી વિવેકાનંદ હાઇટ્સ,લક્ષ્મીપુરા રોડ)ની અટકાયત કરી છે.