પેલેસના ગરબાના પાસના નામે ઠગાઇની ફરિયાદ કરનાર મળતો નથી,પાસના નામે ઠગાઇની બીજી પણ એક ફરિયાદ

ગોરવા પોલીસ સ્ટેશનમાં અરજી કરનાર જય  નામના યુવકે લક્ષ્મી વિલાસ પેલેસના ગરબાના ૧૦૪ પાસ કઢાવવાના નામે રૃ.૩.૬૪ લાખની છેતરપિંડી થયાની અરજી આપી હતી.

ગોરવાના પીઆઇ કિરિટ લાઠિયાએ કહ્યું હતું કે,અરજી કરનાર યુવકને અમે બે થી ત્રણ વાર  બોલાવ્યો છે.પરંતુ તે મળતો નથી.જેથી તેની પૂછપરછ બાદ વધુ વિગતો મળી શકશે.

તો બીજીતરફ લક્ષ્મીવિલાસ પેલેસના પાસના નામે કપૂરાઇ પોલીસ સ્ટેશનમાં એક અરજી થઇ હોવાની તેમજ તેની સાથે સાથે લક્ષ્મીપુરા પોલીસ સ્ટેશનમાં પણ હેરિટેજ ગરબાના પાસના નામે રૃ.સવા લાખની છેતરપિંડી કરવામાં આવી હોવાની અરજી કરવામાં આવી હોવાની વિગતો પ્રાપ્ત થઇ છે.