એન્જિનિયરીંગના વિદ્યાર્થીએ ઝેરી દવા ગટગટાવી લીધી

વડોદરા,ધો.૧૧માં અભ્યાસ કરતી વિદ્યાર્થિનીને લગ્નની લાલચ આપી ભગાડી જઇ શારીરિક સંબંધ બાંધનાર એન્જિનિયરીંગના વિદ્યાર્થીની સામે મકરપુરા પોલીસે ગુનો દાખલ કરી તપાસ  હાથ ધરી છે.

મકરપુરા ગામમાં રહેતો ૨૦ વર્ષનો આર્યન દિનેશભાઇ પટેલ એન્જિનિયરીંગનો અભ્યાસ કરે છે. થર્ટી ફર્સ્ટ ડિસેમ્બરના રોજ તે ૧૫ વર્ષની વિદ્યાર્થિનીને લગ્નની લાલચ આપી કારમાં ભગાડી ગયો હતો. વિદ્યાર્થિનીને દમણ ખાતે લઇ ગયો હતો. આર્યને વિદ્યાર્થિની સાથે બે વખત દુષ્કર્મ કર્યુ હતું.  જે અંગે ગુનો દાખલ થતા  પોલીસે તેની શોધખોળ હાથ ધરી હતી. દરમિયાન બંને પરત વડોદરા આવી ગયા હતા. આર્યને હતાશ થઇને ઝેરી દવા ગટગટાવી લેતા તેને સારવાર માટે હોસ્પિટલમાં દાખલ કરવામાં આવ્યો છે.