તાંદલજાની સ્કૂલ સામેથી 5 કિલો ગાંજા સાથે પકડાયેલા કેરિયરનો સાગરીત ફરીદખાન આણંદથી પકડાયો

વડોદરાઃ શહેરના તાંદલજા વિસ્તારમાં તાજેતરમાં ગાંજા સાથે પકડાયેલા કેરિયરના સાગરીતને એસઓજીએ આણંદથી ઝડપી પાડયો છે.

તાંદલજાની બેસિલ સ્કૂલ સામે સોસાયટીના મકાનમાં ગાંજાનો ધંધો ચાલતો હોવાની વિગતોને પગલે એસઓજીએ દરોડો પાડી રૃ.૫૧ હજારની કિંમતનો પ કિલોથી વધુ ગાંજા સાથે અબ્દુલ પટેલને ઝડપી પાડયો હતો.અબ્દુલ અગાઉ પણ એકવાર પકડાયો હોવાનું પોલીસે કહ્યું હતું.

અબ્દુલની પૂછપરછ દરમિયાન આણંદના સાગરીતનું નામ ખૂલતાં પોલીસે ફરીદખાન ઇમામખાન પઠાણ(શેખવાડા  બજાર,ભાલેજ, આણંદ)ને પણ ઝડપી પાડયો છે.