બે મહિલાઓએ ચોરીનો આરોપ મુકીને 11 વર્ષની બાળકીને લોખંડના સળિયાથી બેરહેમ માર માર્યો
ગામમાં જ રહેતી યુવતી અને તેની ભાભીએ બાળકીને મોભ સાથે બાંધીને માર મારતા બાળકીની હાલત ગંભીર
વડોદરા : પંચમહાલ જિલ્લાના વેજલપુર તાલુકામાં ૧૧ વર્ષની બાળકીને પડોશી યુવતી અને તેની ભાભીએ બાંધીને લોખંડના સળિયા વડે ક્રુરતા પુર્વક માર મારતા બાળકને વડોદરા એસએસજી હોસ્પિટલમાં દાખલ કરવામાં આવી છે. બાળકીના બે હાથ અને પગ ભાંગી ગયા છે. માથામાં ગંભીર ઇજા થઇ છે. બાળકી હાલમાં જીવન મરણ વચ્ચે ઝોલા ખાઇ રહી છે બીજી તરફ આરોપીઓ ખુલ્લેઆમ ફરી રહ્યા છે કેમ કે વેજલપુર પોલીસ ફરિયાદ નોંધવામાં અખાડા કરી રહી છે.
બે હાથ, એક પગ અને માથામાં ફ્રેક્ચર, બાળકી એસએસજીમાં સારવાર હેઠળ, ગંભીર હાલત છતાં ફરિયાદ નોંધવામાં પોલીસના અખાડા
ભાણી તેમના ઘરમાં ગઇ ત્યારે ભુજી અને નિરજની પત્નીએ તેને દોરીથી બાંધી દીધી હતી અને થોડા દિવસ પહેલા તેમના ઘરમાં થયેલી ચોરીનો આરોપી તેના પર મુકીને લોખંડના સળિયાથી બન્ને તૂટી પડી હતી. ૧૧ વર્ષની નિદોર્ષ બાળકીને ભુજી અને તેની ભાભીએ એ હદી મારી કે બે હાથમાં અને એક પગમાં ફ્રેક્ચર થઇ ગયુ. માથામાં પણ લોખંડના સળિયા માર્યા હોવાથી ખોપડીમાં પણ તિરાડ પડી ગઇ છે.મોઢુ સુજી ગયુ છે. ભાણીની હાલત અત્યંત ગંભીર છે. અમે વેજલપુર પોલીસ મથકે ફરિયાદ નોંધાવા ગયા તો અમને એવુ કહ્યું કે અરજી આપી દો હોસ્પિટલનો રિપોર્ટ આવશે પછી ફરિયાદ નોંધીશું. આરોપી ભુજી અને તેની ભાભીને પણ પોલીસ સ્ટેશન બોલાવ્યા હતા પરંતુ તેની ધરપકડ કર્યા વગર જ જવા દીધા આજે તેઓ ઘર બંધ કરીને જતા રહ્યા છે.
મોભ સાથે દોરડાથી બાંધીને બાળકી બુમો ના પાડે તે માટે મોઢામાં કપડું ભરાવી દીધું હતું
એસએસજી હોસ્પિટલમાં જીવન મરણ વચ્ચે ઝોલા ખાતી ૧૧ વર્ષની બાળકી ઘટનાના ૩૬ કલાક બાદ પણ બેભાન છે. વેજલપુર પોલીસ બુધવારે મોડી સાંજે એસએસજી હોસ્પિટલમાં આવી હતી અને ફરિયાદ નોંધવા તજવીજ હાથ ધરી હતી.
આરોપીએે રીઢા ગુનેગારની જેમ ઘટનાને અકસ્માતમાં ખપાવવા બેભાન વર્ષાને લીમડાના ઝાડ નીચે ફેંકી દીધી હતી