દારૃ ભરેલી કાર અકસ્માત પછી પંક્ચર થઇ જતા કાર છોડીને આરોપી ફરાર

વડોદરા,જાંબુવા બ્રિજ પાસે બે  કારને અકસ્માત કર્યા  પછી દારૃ ભરેલી કાર પંક્ચર પડી જતા આરોપી કાર છોડીને ભાગી ગયો હતો. જે અંગે કપુરાઇ  પોલીસે કાયદેસરની કાર્યવાહી હાથ ધરી છે.

આજવા રોડ ગોકુલ નગરમાં રહેતા ડોક્ટર ધર્મેશ કુમાર રમણભાઇ પટેલનું આજવા નિમેટા રોડ પર જય અંબે ક્લિનિક છે. આજે સવારે તેઓ કાર લઇને પિતા રમણભાઇને જાંબુવા બ્રિજ નજીક મૂકવા માટે જતા હતા. જાંબુવા બ્રિજ પાસે  પાછળથી આવતી એક કારના ચાલકે ડોક્ટરની કારને અથાડી હતી. ેજેથી, ડોક્ટરની કારના ડાબી બાજુના બંને દરવાજા તથા કારને નુકસાન  થયું હતું. આ કાર ચાલકે અન્ય એક કારને પણ અકસ્માત કર્યો હતો. અકસ્માત કરીને કાર ચાલક સ્થળ પર કાર છોડીને ભાગી ગયો હતો. ડોક્ટરે નીચે ઉતરીને જોતા કારમાં વિદેશી દારૃનો જથ્થો હતો. જે અંગે પોલીસને જાણ કરવામાં આવતા  પોલીસે સ્થળ પર આવીને  કાર કબજે કરી હતી. ડોક્ટરની ફરિયાદના આધારે  પોલીસે અકસ્માતનો ગુનો દાખલ કર્યો હતો. જ્યારે કારમાંથી દારૃ મળી આવતા પોલીસે અલગથી પ્રોહિબિશનનો ગુનો દાખલ કર્યો છે. કારમાંથી વિદેશી દારૃની ૧,૨૦૨ બોટલ કિંમત રૃપિયા ૧.૪૭ લાખની મળી આવી હતી.