વાસણા રાઠોડ રોડ પર બે બાઇક વચ્ચે અકસ્માતઃમહિલાનું મોત

ગાંધીનગર જિલ્લાના દહેગામ પાસે આવેલા

મૃતદેહને પોસ્ટમોર્ટમ માટે હોસ્પિટલ મોકલાયોઃત્રણ ઇજાગ્રસ્તોને સારવાર અપાઇઃપોલીસે કાર્યવાહી હાથ ધરી

ગાંધીનગર :  દહેગામ પાસે વાસણા રાઠોડ રોડ પર બે બાઈક વચ્ચે અકસ્માત સર્જાયો હતો જેમાં બાઈક પર સવાર માતા- પુત્ર સહીત ત્રણને ઈજાઓ પહોંચી હતી અકસ્માતમાં મહિલાનું મોત થયું હતું આ ઘટના અંગે પોલીસને જાણ થતા પોલીસ સ્થળ પર દોડી આવી હતી મૃતદેહને પીએમ અર્થે હોસ્પિટલ ખાતે મોકલી આપવામાં આવ્યો હતો.

માર્ગ અકસ્માતોમાં ચિંતાજનક વધારો થયો છે તેમાં પણ તહેવારની રજાઓમાં રોડ એક્સીડેન્ટ વધતા હોય છેઆવી સ્થિતિ વચ્ચે દહેગામ પાસે વાસણા રાઠોડ રોડ પર શેરડી ફાર્મ પાસે બે બાઈક વચ્ચે ગમખ્વાર અકસ્માત સર્જાયો હતો.  જેમાં બાઈક પર સવાર માતા- પુત્ર સહીત ત્રણને ઈજાઓ પહોંચી હતી જેમાં અકસ્માતમાં હરખજીના મુવાડા ગામના હિરલબેન રાજેશભાઈ ડોડીયાનું ઘટના સ્થળે મોત થયું છે જયારે બાઈકચાલક દિપેશ રાજેશભાઈ ડોડીયાને ઈજાઓ પહોંચી હોવાથી હોસ્પિટલમાં ખાસેડવામાં આવ્યા છે. અન્ય બાઇક સવાર ભોઈ વડોદરા ગામના અનિલભાઈને પણ ઈજાઓ પહોંચતા ૧૦૮ એમ્બ્યુલ મારફતે સરવાર અર્થે દહેગામ સરકારી દવાખાને ખસેડવામાં આવ્યા હતા.જો કે, ત્યાંથી વધુ સારવાર માટે ગાંધીનગર સિવિલ ખસેડવામાં આવ્યા હતા. અકસ્માતની જાણ થતાં દહેગામ પોલીસે સ્થળ પર પહોંચી કાર્યવાહી હાથ ધરી છે.આ અકસ્માત અંગે મૃતકના પરિવારજનોને જાણ થતા પરિવારજનો ઘટના સ્થળે દોડી ગયા હતા. મહિલાના મોતથી પરિવારમાં શોકનો માહોલ છવાઈ ગયો છે.