અકોટા દાંડિયા બજાર બ્રિજ પર કારની અડફેટે રોડ ક્રોસ કરતા યુવાનનું મોત

 વડોદરા,અકોટા દાંડિયા બજાર બ્રિજ સોલર પેનલ પાસે રોડ ક્રોસ કરતા શ્રમજીવી યુવાનને કાર ચાલકે અડફેટે લેતા ગંભીર ઇજા થતા મોત થયું છે.

દાહોદ જિલ્લાના ખાખરીયા ગામે રહેતો ૧૯ વર્ષનો વિપુલ વીરસીંગભાઇ ભાભોર  ચાર દિવસ પહેલા વતનથી વડોદરા કામ કરવા માટે આવ્યો હતો. આજે બપોરે પોણા બે વાગ્યે વિપુલ અકોટા દાંડિયા બજાર બ્રિજ સોલાર પેનલ નજીકથી નવલખી ગ્રાઉન્ડ તરફ જવા માટે રોડ ક્રોસ કરતો હતો. તે સમયે અકોટા બ્રિજ તરફથી આવતી એક કારના ચાલકે તેને અડફેટે લેતા માથામાં ગંભીર ઇજા પહોંચી હતી. તેને સારવાર માટે એમ્બ્યુલન્સમાં સયાજી હોસ્પિટલમાં લઇ જવામાં આવ્યો હતો. પરંતુ, સારવાર મળે તે  પહેલા જ ડોક્ટરે તેને મરણ થયાનું જાહેર કર્યુ હતું. કાર ચાલકે જાતે જ પોલીસ કંટ્રોલ રૃમમાં કોલ કરી પોલીસ સ્ટેશન હાજર થયો હતો. પોલીસે કાર ચાલક રણવીર રમાકાંતભાઇ વાઘેલા ( રહે. જય નારાયણ સોસાયટી, ગોરવા પોલીસ સ્ટેશન પાછળ) ની સામે ગુનો દાખલ કરી વધુ તપાસ  હાથ ધરી છે.