પતિની હત્યા કરનાર પત્ની અને તેનાથી 20 વર્ષ નાના પ્રેમી દિયર જેલમાં ધકેલાયા

વડોદરાઃ સમા વિસ્તારમાં પતિની હત્યાના બનાવમાં પકડાયેલી પત્ની અને પ્રેમી દિયરને જ્યુડિશિયલ કસ્ટડીમાં મોકલાયા છે.

સમાની ડિફેન્સ કોલોની વિભાગ-૨માં કિશનભાઇ પ્રજાપતિના મકાનના ત્રીજા માળે  ભાડેથી રહેતામૂળ યુપીના હરિગોવિંદ યાદવ સાથે તેનાથી ૧૦ વર્ષ મોટી ડીવોર્સી સાધના યાદવ પ્રેમ લગ્ન કરીને રહેતી હતી.

હરિગોવિંદનો ૨૧ વર્ષની વયનો ભાઇ ધર્મેન્દ્ર યાદવ પણ તેમની સાથે રહેતો હતો.પરંતુ સાધના તેના દિયરના પ્રેમમાં પડતાં હરિગોવિંદે થોડા દિવસો પહેલાં જ તેને કાઢી મૂક્યો હતો.જેથી દિયર સામેની જ સોસાયટીમાં મકાન ભાડે રાખી રહેતો હતો.શુક્રવારે રાતે બંને દિયર-ભોજાઇએ હરિ ગોવિંદની હત્યા કરી હતી.સમા પોલીસે બંને હત્યારાને રિમાન્ડ પર લઇ આજે કોર્ટમાં રજૂ કરતાં તેમને જેલમાં મોકલવામાં આવ્યા છે.