રૃપિયા ૨૧ લાખનો વિદેશી દારૃ અને બિયરની પેટીઓ ભરેલી ટ્રક ઝડપાઇ

નેશનલ હાઇવે પર ચંદ્રાલા ગામ પાસેથી

રાજસ્થાનથી દારૃનો જથ્થો લઇને નીકળેલા ડ્રાઇવરની ધરપકડ કરાઇ : માલ ભરાવનારા બુટલેગરના નામ, નંબર પણ મળ્યાં

લોકલ ક્રાઇમ બ્રાન્ચ ૧ના ઇન્સપેક્ટર ડી. બી. વાળાએ જણાવ્યા પ્રમાણે તેમની ટીમને હિંમતનગર, અમદાવાદ નેશનલ હાઇવે પરથી દારૃ ભરેલી ટ્રક પસાર થવાની માહિતી ટ્રકના નંબર સહિત મળી હતી. જેના પગલે પોલીસની ટીમ ચંદ્રાલા પાસે વોચમાં ગોઠવાઇ હતી અને માહિતી પ્રમાણેની નંબર પ્લેટ ધરાવતી ટ્રક નીકળતાં તેને અટકાવી દેવામાં આવી હતી. ટ્રકની તલાસી લેવામાં આવતાં ૪૮૧ પેટીમાં ભરેલી દારૃ અને બિયરની ૭,૩૪૪ બોટલ અને ટીન મળી આવ્યા હતાં. જેના સંબંધે ડ્રાઇવર પાસે કોઇ આધાર પુરાવા ન હતાં. જેના પગલે રાજસ્થાનના અજમેર જિલ્લાના તાડગઢ તાલુકાના બીણ ગામના રહેવાસી ડ્રાઇવર મોહનસિંહ ભીમસિંહ રાવતની ધરપકડ કરવામાં આવી હતી. તેની પૂછપરછ કરવામાં આવતાં રાજુ નામના શખ્સે દારૃનો જથ્થો ભરાવ્યાનું ખુલ્યુ હતું. પોલીસે આ બુટલેગરના નામ તથા મોબાઇલ નંબર મેળવીને આગળની તપાસ શરૃ કરી હતી. જ્યારે ૨૧ લાખનો દારૃનો જથ્થો તથા રૃપિયા ૧૦ લાખ કિંમત ગણીને ટ્રક જપ્ત કરવામાં આવ્યો હતો.