વડોદરાના વારસીયા વિસ્તારમાં ચોરી કરવા આવેલો તસ્કરો સીસીટીવી કેમેરામાં કેદ

વડોદરા,તા.14 ફેબ્રુઆરી 2024,બુધવાર

કોઇને શક ના જાય માટે ખભા પર બેગ અને હાથમાં થેલી લઈ તસ્કર વડોદરા શહેરના વારસીયા વિસ્તારની સોસાયટીના મકાનમાં વહેલી સવારે ઘૂસ્યો હતો અને મોબાઈલ  લઇને ફરાર થઇ ગયો હતો. તસ્કર સીસીટીવી કેમેરામાં કેદ થઇ ગયો હતો. મોબાઇલ ચોરીની વારસીયા પોલીસ સ્ટેશનમાં ફરિયાદ નોધાતા પોલીસે સીસીટીવી ફુટેજના આધારે તપાસ હાથ ધરી છે. 

 વડોદરા શહેરમાં દિન પ્રતિ દિન ઘરફોડ સહિતની ચોરીના બનાવો વધતા જાય છે. ત્યારે ફરી શહેરના વારસીયા વિસ્તારમાં આવેલી કમલપાર્ક સોસાયટીમાં મોબાઇલ ચોરીની કિસ્સો પ્રકાશમાં આવ્યો છે. જેમાં એક તસ્કર મળસ્કે કોઈ શક ના પડે માટે ખભા બેગ અને હાથમાં થેલી લઈને કમલ પાર્ક સોસાયટીમાં ઘૂસ્યો હતો અને મોબાઈલ ઉઠાવીને સહીસલામત રીતને બહાર પણ નીકળી ગયો હતો. જોકે સંકેત રમેશભાઈ કહારે વારસિયા પોલીસ મથકમાં મોબાઈલ ચોરી થયાની ફરિયાદ નોંધાવી છે. તસ્કર દ્વારા કરાયેલી મોબાઇલ ચોરીની ઘટના સીસીટીવી કેમેરામાં કેદ થઇ ગયા હતી.