ઓ પી રોડ પરથી મોટરસાયકલની ઉઠાંતરી કરનાર ઝડપાયો

વડોદરા, તા. 18 જાન્યુઆરી 2024 ગુરૂવાર

વડોદરાના જુના પાદરા રોડ વિસ્તારમાંથી મોટરસાયકલની ચોરી કરનાર વાહન ઉઠાવનારને પોલીસે કલાકોમાં ઝડપી પાડયો છે.      

હુજરત નાગા વિસ્તારમાંથી ક્રાઈમ બ્રાન્ચની મહિલા પીઆઈની ટીમે વોચ રાખી મોટર સાયકલ પર જઈ રહેલા એક યુવકને ઝડપી પાડી તપાસ કરતા તેની પાસેની બાઈક થઈ તા 16 મી એ જુના પાદરા રોડ રિલાયન્સ મોલ સામેથી ચોરાઈ હોવાની વિગતો ખુલી હતી.   

પોલીસની પૂછપરછ માં પકડાયેલા યુવકનું નામ રોહન સુરેશભાઈ માળી (ઓમકારનગર,જુના પાદરા રોડ) હોવાનું ખુલ્યું હતું. તેણે ઉતરાયણ ને બીજા દિવસે પાર્ક કરેલી મોટરસાયકલ ચોરી હોવાની કબુલાત કરી હતી. પોલીસે પુછપરછ જારી રાખી છે.