વડોદરા શહેરમાંથી બે વર્ષ માટે તડીપાર કરાયેલો શખ્સ ઝડપાયો

image : Freepik

Vadodara News : વડોદરા શહેરમાંથી હદપાર કરેલ હોવા છતાં હદપારી હુકમનો ભંગ કરનાર શખ્સને ક્રાઈમ બ્રાન્ચે નેશનલ હાઈવે પર જીએસએફસી પાસેથી ઝડપી પાડ્યો હતો. આવા ઇસમ સામે કાયદેસરની કાર્યવાહી કરતી વડોદરા શહેર ક્રાઇમ બ્રાન્ચ વારંવાર ગુનાહિત પ્રવૃતિ કરતા ઇસમોને વડોદરા શહેરમાંથી હદપાર કરવામાં આવતા હોય છે. પરંતુ આ હદપાર કરેલા ઇસમોને અવારનવાર ચેક કરવાની તેમજ આ હદપારી ઇસમો પરવાનગી વિના વડોદરા શહેરમાં પ્રવેશ કરનાર આરોપી સામે કાયદેસરની કાર્યવાહી કરવાની ઉચ્ચ અધિકારીઓ તરફથી સૂચના મળી હતી.

જેના આધારે ક્રાઇમ બ્રાન્ચની ટીમને વડોદરા શહેર વિસ્તારમાં પેટ્રોલીંગ દરમ્યાન મળેલી માહિતી આધારે નેશનલ હાઇવે જી.એસ.એફ.સી.ની નજીક આવેલા અદાણી પેટ્રોલ પંપ પાસેથી શહેરમાંથી હદપાર કરેલો ઇસમ હિતેષભાઇ જયંતીભાઇ રાણા ( રહે. છાણી ગામ, કબીર મંદીર રોડ વડોદરા શહેર)ને ઝડપી પડ્યો હતો.  આ ઇસમને તા.07/04/2023થી તેની  બે વર્ષ માટે વડોદરા શહેરમાંથી હદપાર કરેલો હોવા છતાં  પરવાનગી વગર શહેરમાં આવી હદપાર હુકમનો ભંગ કરેલ હોવાનું જણાઇ આવ્યું હતું.  હદપારી ઇસમ સામે કાયદેસરની કાર્યવાહી માટે છાણી પોલીસ સ્ટેશનને સોંપવામાં આવ્યો છે.