ડીસીબી પોલીસના કંપાઉન્ડમાંથી નશેબાજ ઝડપાયો

વડોદરા,ડીસીબી પોલીસ સ્ટેશનના કંપાઉન્ડમાં દારૃનો નશો કરીને ધમાલ મચાવતા આરોપીને સિટિ પોલીસે ઝડપી  પાડયો હતો. નશેબાજ સામે ગુનો દાખલ કરી પોલીસે વધુ તપાસ હાથ ધરી છે.

ગઇકાલે રાતે ડીસીબી  પોલીસ સ્ટેશનના ગેટ પર ડયૂટિ બજાવતા  લોક રક્ષક બિલાલ ઇબ્રાહિમભાઇએ સિટિ પોલીસને જાણ કરી હતી કે, એક વ્યક્તિ દારૃનો નશો કરીને પોલીસ સ્ટેશનના કંપાઉન્ડમાં ગેરકાયદે ઘૂસી ગયો છે. જેથી, સિટિ પોલીસની પીસીઆર વાન સ્થળ પર પહોંચી ગઇ હતી. સિટિ પોલીસ નશેબાજ નિલેશચંદ્ર પ્રવિણચંદ્ર અમીન (રહે. તિર્થક એપાર્ટમેન્ટ, ડભોઇ વાઘોડિયા રીંગ રોડ)ની સામે પ્રોહિબીશનનો ગુનો દાખલ કરી કાયદેસરની કાર્યવાહી હાથ ધરી છે.