વાઘોડિયા રોડ પર નશેબાજે પોલીસ જવાનને લાફો ઝીંકી દીધો

 વડોદરા,બાપોદ જકાતનાકા વિસ્તારમાં રહેતા નશેબાજે પોલીસ જવાનને લાફો ઝીંકી દીધો હતો. પાણીગેટ પોલીસે નશેબાજ સામે ગુનો દાખલ કરી વધુ તપાસ હાથ ધરી છે.

પાણીગેટ પોલીસને કંટ્રોલ રૃમ તરફથી માહિતી મળી હતી કે, બાપોદ જકાતનાકા જોગણી માતાના મંદિર પાસે ઝૂંપડપટ્ટીમાં પ્રકાશભાઇ દારૃ પીને હેરાન કરે છે. જેથી, પીસીઆર વાન સ્થળ પર પહોંચી હતી. સ્થળ પરથી પોલીસે નશાની હાલતમાં પ્રકાશ વિનોદભાઇ ( રહે. બાપોદ જકાતનાકા, જોગણી માતાના મંદિર પાસે) ને ઝડપી લીધો હતો. પ્રકાશને પકડીને પોલીસ વાનમાં બેસવા માટે કહેતા તે એકદમ ઉશ્કેરાઇ  ગયો હતો અને પોલીસ સાથે ઝઘડો કરીને કહેવા લાગ્યો હતો કે, હું ગાડીમાં નહીં બેસુ, તમારાથી થાય તે કરી લો. જેથી, પોલીસ જવાન તેને વાનમાં બેસાડવા માટે લઇ જતો હતો. તે સમયે અચાનક તેણે   પોલીસ જવાનના શર્ટનો કોલર  પકડી લીધો હતો અને ઝપાઝપી શરૃ કરી લાફો ઝીંકી દીધો હતો. તેણે પોલીસ જવાનને ધક્કો મારી દૂર ધકેલી દીધો હતો. ત્યારબાદ પોલીસ વાનના ડ્રાઇવર સાથે મળીને  પોલીસ જવાન દેવજીભાઇએ પ્રકાશને વાનમાં બેસાડી દઇ પાણીગેટ પોલીસ સ્ટેશન લઇ આવ્યા હતા.