વડોદરામાં સેલ્ફી લેવા જતા 17 વર્ષીય સગીર યુવકનું કેનાલમાં ડૂબી જતાં મોત

વડોદરા,તા.26 ડિસેમ્બર 2023,મંગળવાર

વડોદરાના ગોરવા મધુનગર વિસ્તારમાં આવેલી કેનાલ પાસે સેલ્ફી લેવા જતા કોઇ કારણોસર પડેલા 17 વર્ષીય સગીર ડૂબી ગયો હતો. જેની જાણ ગોરવા પોલીસ તથા ફાયર બ્રિગેડને થતા ઘટના સ્થળ પર પહોંચીને લાશને બહાર કાઢી પીએમ કરાવવાની તજવીજ હાથ ધરી છે.

મૂળ ઉત્તરપ્રદેશના 17 વર્ષીય  સમીર સાજિદ અલી મિત્રો સાથે ગોરવા મધુનગર ઝૂપપડટ્ટીમાં ભાડાના મકાન રહેતો હતો અને ફર્નિચરમાં કામ કરતો હતો. દરમિયાન ગઇ કાલે સોમવારે ગોરવા મધુનગર ચોકડી પાસે આવેલી કેનાલ પાસે સેલફી લેવા માટે ગયો હતો. દરમિયાન કોઇ કારણોસર તેને પગલ લપસતા કેનાલના પાણી ખાબકયો હતો. જાણવા મળ્યા મુજબ તેને તરતા આવડતુ ન હોવાના કારણે ડૂબી ગયો હતો. જેની જાણ ફાયર બ્રિગેડ તથા ગોરવા પોલીસને થતા ઘટના સ્થળ પર પહોંચી ગઇ હતી. યુવકને મૃતદેહને બહાર કાઢી પીએમ કરાવવા માટે સયાજી હોસ્પિટલમાં ખસેડવામાં આવ્યો છે.