માણેજામાં જુગાર રમતા ૯ જુગારીઓ ઝડપાયા

વડોદરા,માણેજા પંચશીલ નગર પાસે આવેલા ખુલ્લા ખેતરમાં જુગાર રમતા ૯ જુગારીઓને મકરપુરા  પોલીસે  ઝડપી પાડી ૧.૨૬ લાખનો મુદ્દામાલ કબજે કર્યો છે.

મકરપુરા પોલીસનો સ્ટાફ પેટ્રોલિંગમાં હતો. તે દરમિયાન માહિતી મળી હતી કે, માણેજા પંચશીલ નગર પાસે ખુલ્લા ખેતરમાં કેટલાક લોકો જુગાર રમી રહ્યા છે. જેથી, પોલીસે ઉપરોક્ત સ્થળે જઇને  રેડ કરતા (૧) અજય ઉર્ફે અજ્જુ અમરસિંહ વસાવા (૨) પંકજ નારાયણભાઇ ચૌહાણ (૩) નિલેશ નાનાભાઇ પાટિલ (૪) રાજેન્દ્ર બળવંતભાઇ જાદવ (૫) પીયૂષકુમાર વિનોદભાઇ પાટણવાડિયા (૬) નિતેશ અરવિંદભાઇ ઠાકોર (૭) દિપક રમણભાઇ ઠાકોર (૮) સંદિપ સહેદવભાઇ પઢિયાર ( તમામ રહે. માણેજા) તથા (૯) પ્રશાંત બાજીરાવ પાટિલ ( રહે. ઇન્દ્રપ્રસ્થ સોસાયટી, બેસિલ સ્કૂલની બાજુમાં) જુગાર રમતા ઝડપાઇ ગયા હતા. પોલીસે જુગારીઓ પાસેથી રોકડા ૧૫,૮૫૦, આઠ મોબાઇલ ફોન, બે વાહનો મળી કુલ રૃપિયા ૧.૨૬ લાખનો મુદ્દામાલ કબજે કર્યો છે.