બોરીસણા અને વાસજડામાં દરોડામાં ૮ જુગારીઓ ઝડપાયાં

પોલીસે ગુનો નોંધી ૧૪ હજારથી વધુની રોકડ જપ્ત કરી વધુ કાર્યવાહી હાથ ધરી

કલોલ :  કલોલ તાલુકાના બોરીસણા ગામે અને વાસજડા ગામે જુગાર રમાઈ રહ્યો હતો ત્યારે પોલીસ દ્વારા દરોડો પાડવામાં આવ્યો હતો પોલીસે દરોડો પાડી અહીં જુગાર રમતા લોકોને ઝડપી લીધા હતા પોલીસે તેમની પાસેથી રોકડ રકમ તેમજ જુગાર રમવાના પાના પત્તા વગેરે જપ્ત કરીને કાર્યવાહી હાથ ધરી છે.

બોરીસણા ગામે આવેલ ભાલુજીના વાસમાં જુગાર રમાઈ રહ્યો છે તેવી વાતમી પોલીસને મળી હતી જે બાતમીના આધારે પોલીસે દરોડો પાડયો હતો પોલીસે અહીં જુગાર રમતા ખેંગારજી સનાજી ઠાકોર તથા રમેશજી શકરાજી ઠાકોર અને પ્રકાશજી ભલાજી ઠાકોર તથા મુકેશજી રમેશજી ઠાકોર અને દિનેશજી શકરાજી ઠાકોરને ઝડપી લીધા હતા પોલીસે તેમની પાસેથી રોકડા રૃપિયા ૧૦,૫૫૦ જપ્ત કરીને કાર્યવાહી હાથ ધરી છે તેમજ વાંસજડા ગામે ગરબા ચોકમાં કેટલાક લોકો જુગાર રમી રહ્યા છે તે બાદમીના આધારે પોલીસે દરોડો પાડયો હતો અને જુગાર રમતા રાજુજી બાબાજી ઠાકોર તથા રામસંગજી ગાભાજી ઠાકોર અને લાલાજી ઠાકોર ને ઝડપી લેવામાં આવ્યા હતા પોલીસે તેમની પાસેથી રોકડા રૃપિયા ૩,૭૦૦ જપ્ત કર્યા હતા પોલીસે જુગારીઓને તેમના સળિયા પાછળ ધકેલી કાર્યવાહી હાથ ધરી છે.