પાણીની આવક વધતા નર્મદા ડેમના ૧૦ ગેટ ફરી ખોલ્યા

રાજપીપળા,સરદાર સરોવર નર્મદા ડેમની સપાટી આજે સાંજે ૧૩૮.૩૧ મીટર નોંધાઈ હતી. ઉપરવાસમાંથી પાણીની આવકમાં ધરખમ વધારો થયો હતો. બપોરે ૬૮ હજાર ક્યુસેક આવક હતી, જ્યારે સાંજે વધીને ૨,૩૪,૪૪૮ ક્યુસેક થઈ હતી. જેથી ડેમના ૧૦ દરવાજા ફરી ૧૦ મીટર ખોલવામાં આવ્યા છે.

જોકે સવારથી જ પાણીની આવકમાં વધઘટ નોંધાઈ રહી છે. ડેમની સપાટી ૧૩૮.૩૧ મીટર થઈ છે, ડેમની મહત્તમ સપાટી ૧૩૮.૬૮ મીટર છે. ડેમ તેની મહત્તમ સપાટી પર પહોંચે તે માટે હજી ૩૭ સેમી બાકી છે. નર્મદા નદીમાં કુલ ૧,૨૨,૦૯૫ ક્યુસેક પાણીની જાવક થઈ રહી છે.