માતા-પિતા માટે ખુબ કામની વાત: બાળકોની જીદ અને ગુસ્સાને હેન્ડલ કરવા માટે અપવાનો આ પેરેન્ટિંગ ટિપ્સ

Image:X

નવી મુંબઇ,તા. 14 ફેબ્રુઆરી 2024, બુધવાર 

બાળકનો યોગ્ય રીતે ઉછેર કરવો સહેલુ કામ નથી, કહેવાય છે કે,બાળકના પ્રથમ ટીચર માતા પિતા હોય છે. બાળકનો સ્વભાવ,તેના ગુણ, આદતોમાં માતા પિતાનો સંપૂર્ણ પ્રભાવ જોવા મળતો હોય છે. જો બાળક જિદ્દી બની ગયુ હોય તો તેને સંભાળવું પેરેન્ટસ માટે સૌથી મોટી ચેલેન્જ છે. આવા બાળકને સાચવવામાં વધુ સમય જાય છે અને ધાર્યુ કામ તો બાળક પાસેથી લઈ જ નથી શકાતું. આ સ્થિતિમાં પેરેન્ટસની ભૂલો પણ પરિસ્થિતિને વધુ ખરાબ બનાવે છે.

ઘણીવાર બાળકો માર્કેટમાં જ પોતાના માતા પિતાની સામે કોઇ વસ્તુને લઇને જીદ કરે છે, જમીન પર સુઇ જાય છે અથવા તેમના માતા-પિતા પર હાથ ઉપાડે છે, તો માતાપિતા માટે આ એક મોટો પડકાર બની જાય છે. આવી સ્થિતિમાં, માતાપિતા ઘણીવાર સમજી શકતા નથી કે, તેમના બાળકોને કેવી રીતે શાંત કરવા અને તેમની ખરાબ ટેવોથી કેવી રીતે છુટકારો મેળવવો.

તો આજે જાણીએ પેરેન્ટિંગની કેટલીક એવી ટિપ્સ જે તમને તમારા જીદ્દી બાળકની ખરાબ આદતોને દૂર કરવામાં મદદ કરશે. 

જીદ્દી અને ગુસ્સાવાળા બાળકોને કેવી રીતે હેન્ડલ કરવા

શાંત રહો: જ્યારે બાળક જિદ્દી અથવા ગુસ્સે થઈ જાય, ત્યારે પહેલા તમારી જાતને શાંત રાખો. તમારી બાકીની શાંતિ બાળકને શાંત કરવામાં પણ મદદ કરશે.

ધ્યાનથી સાંભળો: બાળક જે કહે છે તેને ધ્યાનથી સાંભળો. તેઓને એવું લાગવું જોઈએ કે, તેઓ જે બોલી રહ્યા છે તે તમે સમજી રહ્યા છો.

સમજાવો અને સમજો: બાળકને સમજાવો કે, શા માટે કેટલીક વસ્તુઓ યોગ્ય છે અને અન્ય નથી. તેમની લાગણીઓને સમજવાનો પ્રયત્ન કરો.

સકારાત્મક પ્રોત્સાહન: બાળકના સારા વર્તનની પ્રશંસા કરો. આનાથી તેમને ખબર પડશે કે સારા વર્તનની પ્રશંસા કરવામાં આવે છે.

નિયમો બનાવો: સ્પષ્ટ અને સમજી શકાય તેવા નિયમો બનાવો. બાળકને કહો કે અપેક્ષાઓ શું છે અને શા માટે તેનું પાલન કરવું મહત્વપૂર્ણ છે.

ઓપ્શન આપો: જ્યારે બાળકો કોઈ વસ્તુ માટે આગ્રહ કરે છે, ત્યારે તેમને બે સ્વીકાર્ય વિકલ્પો આપો. આ તેમને પસંદગીની સ્વતંત્રતા આપશે. 

રમત દ્વારા શીખવો: બાળકો સાથે ગેમ રમીને અને પ્રવૃત્તિઓ દ્વારા સારું વર્તન શીખવતા રહો. આ તેમના માટે આનંદદાયક બનશે અને તેમને શીખવાની તક પણ હશે.

ધીરજ રાખો: કોઇ પણ બાળક હોય તેને મોટુ કરવા અને સમજાવવા માટે ધીરજની જરુર હોય છે. બાળકને સમજવામાં અને તેની આદતો સુધારવામાં સમય લાગે છે. ધીરજ રાખો અને પ્રયાસ કરતા રહો.