રામ-સીતા જેવા અતૂટ રહેશે હસબન્ડ-વાઈફના સંબંધ, જો બંને ફોલો કરે આ 5 સૂત્ર

                                                      Image Source: Freepik

અમદાવાદ, તા. 28 ઓક્ટોબર 2023 શનિવાર

દરેક સ્ત્રી શ્રી રામ જેવા પતિ અને દરેક પુરુષ માતા સીતા જેવી પત્ની ઈચ્છે છે પરંતુ કોઈ પણ તેમના જેવા પોતાના સંબંધને મજબૂત બનાવવા માટે પ્રયત્ન કરતા નથી. તે વાતોને સમજવાનો પ્રયત્ન કરતા નથી જે જીવનસાથી સાથેના બંધનને મજબૂત બનાવવા માટે સૌથી જરૂરી હોય છે.

ભગવાન શ્રીરામ અને માતા જાનકીની વચ્ચેનું બંધન દરેક દંપતી માટે શીખ છે. તેમનાથી સમજી શકાય છે કે ભલે ખરાબ પરિસ્થિતિઓના કારણે શારીરિક રીતે સાથે રહેવાનું શક્ય ન હોય પરંતુ ભાવનાત્મક રીતે જોડાયેલા રહેવાની મોટી બાબત તમને એકબીજાથી અલગ કરી શકતી નથી. 

એ વાતમાં કોઈ શંકા નથી કે દરેક પતિ-પત્ની પોતાના સંબંધને લાંબા સમય સુધી મજબૂત રાખવાની ઈચ્છા રાખતા હોય છે પરંતુ આ માટે યોગ્ય દિશામાં પ્રયત્ન કરવાની સમજણ વિના ઘણીવખત સંબંધ એક અલગ જ રૂપમાં ઢળી જાય છે. એક એવો સંબંધમાં જેમાં ન પ્રેમ હોય છે અને ના સન્માન હોય છે.  

એકબીજાનું સન્માન કરો

પતિ-પત્નીનું એકબીજા પ્રત્યે સન્માન હોવુ ખૂબ જરૂરી છે. તેનુ મહત્વ શ્રીરામ અને માતા સીતાના સંબંધથી ખૂબ જ સરળતાથી સમજી શકાય છે. બંનેએ ક્યારેય પણ એકબીજાનું અપમાન કર્યુ નથી. સાથે જ એકબીજાના દરેક નિર્ણયનું સન્માન કર્યુ છે.

પોતાના મનની વાત કરો

પોતાના સંબંધને મજબૂત બનાવવા માટે જરૂરી છે કે પતિ-પત્ની સમય કાઢીને એકબીજા સાથે પોતાના વિચારો અને ભાવનાઓને મન ખોલીને શેર કરો. એકબીજાને ખુલ્લા મને સાંભળો અને સમજવાનો પ્રયત્ન કરો. એકબીજાને એટલો સહજ અનુભવ કરાવો કે કોઈને પણ કોઈ વાત છુપાવવાની જરૂર ના પડે. 

એકબીજા પર વિશ્વાસ કરો

પતિ-પત્નીનો સંબંધ ત્યારે જ લાંબા સમય સુધી મજબૂત રહે છે જ્યાં સુધી બંનેનો એકબીજા પર ગાઢ વિશ્વાસ હોય. તેથી જરૂરી છે કે બંને સંબંધમાં કંઈ છુપાવે નહીં, પોતાના વચનનું માન રાખે, એકબીજાના સારા-ખરાબ સમયમાં સાથે ઊભા રહો. એકબીજાને સંબંધમાં સુરક્ષિત અનુભવ કરાવવા માટે પ્રયત્નશીલ રહો.

જીવનસાથી સાથે ઈમાનદાર રહો

ઈમાનદારી તે પાયો છે જેનાથી વિશ્વાસ અને સંબંધ ગાઢ બને છે. આ માટે જરૂરી છે કે અઘરી વાતચીત દરમિયાન પણ પોતાના સાથીની સાથે ઈમાનદાર રહો. 

પોતાની ભૂલ માનો અને સામે વાળાને તેમની ભૂલ વિશે ખુલ્લા મને જણાવો. તેનાથી સંબંધોમાં સુધારો થાય છે.

દરરોજ સાથે મળીને પ્રયત્ન કરો

મજબૂત સંબંધ માટે પતિ-પત્ની બંનેએ નિરંતર પ્રયત્ન કરવો ખૂબ જરૂરી છે. કેમ કે છોડની જેમ જ સંબંધ પણ ધીમે-ધીમે ઉછરે છે. તેથી પતિ અને પત્ની એકબીજાના પર્સનલ અને રિલેશનશિપ ગ્રોથ માટે સાથે પ્રયત્ન કરો.