શૂઝની દુર્ગંધ દૂર કરવાની 5 સરળ રીતો, ઉનાળામાં એકવાર અજમાવો
Updated: Mar 20th, 2025
GS TEAM
Get Rid For Shoes Smell: ઉનાળામાં પગમાં વધુ પડતો પરસેવો થવો સામાન્ય બાબત છે, પરંતુ જ્યારે આ શૂઝમાં આવતી દુર્ગંધનું કારણ બને છે ત્યારે સમસ્યા સર્જાય છે. શૂઝમાંથી આવતી દુર્ગંધ માત્ર તમને અસ્વસ્થતાનો જ અનુભવ નથી કરાવતી પણ તમારી આસપાસના લોકો માટે પણ મુશ્કેલી ઊભી કરી શકે છે. આ સમસ્યાથી છુટકારો મેળવવા માટે તમારે મોંઘા સ્પ્રે કે પરફ્યુમની પર પૈસા ખર્ચવાની જરૂર નથી, કારણ કે કેટલાક સરળ ઘરેલું ઉપાયથી આ સમસ્યાને દૂર કરી શકાય છે.
1. બેકિંગ સોડા
બેકિંગ સોડા એક કુદરતી ડીઓડોરાઇઝર છે. જે પગના ભેજને શોષવાની સાથે શૂઝમાંથી આવતી દુર્ગંધને પણ દૂર કરે છે. આ માટે રાત્રે શૂઝની અંદર થોડો બેકિંગ સોડા છાંટવો અને સવારે તે કાઢી નાખો. તે પરસેવાના કારણે સર્જાયેલી ભેજને શોષી લેશે એટલું જ નહીં, પરંતુ દુર્ગંધને પણ દૂર કરશે. જો શૂઝની ગંધ તીવ્ર હોય તો તમે અઠવાડિયામાં બે વાર બેકિંગ સોડાનો ઉપયોગ કરી શકો છો.
2. અસેન્શિયલ ઓઇલ
જો તમે ઇચ્છો છો કે તમારા શૂઝ હંમેશા સુગંધિત રહે, તો તમે અસેન્શિયલ ઓઇલનો પણ ઉપયોગ કરી શકો છો. આ માટે તમે લવંડર, ટી ટ્રી અથવા મિન્ટ ઓઇલનો ઉપયોગ કરવો જોઈએ. આ ઓઇલ બેક્ટેરિયાને ખતમ કરવાની સાથે સાથે સુગંધ પણ આપે છે. જ્યારે પણ તમને સમય મળે, ત્યારે કોટન સ્વેબમાં અસેન્શિયલ ઓઇલના થોડા ટીપાં લો અને તેને આખી રાત શૂઝમાં રાખો. જેથી દુર્ગંધ દૂર થઈ જશે.
3. શૂઝને તડકામાં રાખો
ઉનાળામાં, પરસેવાના કારણે, શૂઝમાં ભેજ રહે છે, જે બેક્ટેરિયલ અને ફંગલ ઇન્ફેક્શનનું કારણ બની શકે છે. તેનાથી બચવા માટે અઠવાડિયામાં ઓછામાં ઓછા બે વખત તમારા શૂઝને તડકામાં રાખો. જેનાથી શૂઝ ફરીથી સ્વચ્છ અને ફ્રેશ લાગે છે. શૂઝને ઓછામાં ઓછા 3-4 કલાક માટે ખુલ્લી હવા અને સૂર્યપ્રકાશમાં રાખવાનો પ્રયાસ કરો.
4. ટી બેગ્સ
શૂઝની અંદર વપરાયેલી ડ્રાય ટી બેગ મૂકીને પણ દુર્ગંધ દૂર કરી શકાય છે. ચામાં હાજર ટેનીન ભેજ અને ગંધને શોષી લે છે. જો તમારા શૂઝમાં દુર્ગંધ આવતી હોય તો ગ્રીન ટી બેગનો ઉપયોગ કરો કારણ કે તેમાં એન્ટીબેક્ટેરિયલ ગુણ હોય છે.
5. વિનેગર
વ્હાઇટ વિનેગર કુદરતી જંતુનાશક છે. તે બેક્ટેરિયા અને ફૂગને મારવામાં મદદ કરે છે. સ્વચ્છ સુતરાઉ કાપડને વિનેગરમાં પલાળી રાખો અને શૂઝની અંદરના ભાગને સારી રીતે સાફ કરો અને પછી તેને સૂકવવા માટે છોડી દો. આનાથી શૂઝની દુર્ગંધ તો દૂર થશે જ પરંતુ બેક્ટેરિયા પણ દૂર થશે.
