સ્માર્ટફોનના કારણે સંબંધો થઈ શકે છે ખરાબ, જાણો કેવી રીતે બચી શકો

મોબાઈલ ફોન, કોમ્પ્યુટર અને અન્ય ગેજેટનો ઉપયોગ આજના સમયમાં જરુરીયાત બની ગઈ છે, પરંતુ સ્માર્ટફોનના કારણે સંબંધો બગડવાની શક્યતા રહેલી છે.સ્માર્ટફોન પર આખો દિવસ દુનિયાભરના સમાચારો અને મનોરંજન સાથે જોડાયેલી વસ્તુઓ જોતા અને વાંચતાને કારણે લોકોને ધ્યાન અસલી વસ્તુઓની હટવા લાગ્યું છે. તેના કારણે આજના સમયમાં લોકો માહિતી મેળવવા અથવા આસપાસના લોકો વિશે જાણવા માટે રુચિ નથી રાખતાં. 

જો તમે ઘણા બધા લોકો વચ્ચે બેસો છો, તો કોઈ મહત્ત્વપૂર્ણ ચર્ચા ચાલી રહી હોય અને અચાનક તમે તમારુ ધ્યાન ફોન પર કરો તો દરેક લોકોને ખોટુ લાગશે. સ્માર્ટફોનના વધતાં ઉપયોગના કારણે તમારુ ધ્યાન ચારેય બાજુની વસ્તુઓ અને લોકો તરફ ઓછુ થઈ જાય છે.

સ્માર્ટફોનનો ઉપયોગ કરીને તમે સોશિયલ મીડિયાના માધ્યમથી સરળતાથી વધુ લોકો સાથે જોડાઈ શકો છે, પરંતુ અહીં હંમેશા ભરોસા પર ખતરો રહેતો હોય છે. તમારી પાસે સોશિયલ મીડિયા પર હજારો મિત્રો હોઈ શકે છે, પરંતુ એ લોકો પર તમારા વિશ્વાસ અથવા તમે તેમના પર વિશ્વાસ નહી કરી શકો. એ જ મિત્રોથી સાચા હશે જે હંમેશા તમારી સાથે રહે છે.  

એક બીજી સ્માર્ટફોન તમારી દુનિયાના કોઈ ખૂણામાં બેઠેલા વ્યક્તિ સાથે જોડાઈ રહેવાનો અવસર આપે છે, બીજી બાજુ તેનો અત્યાધુનિક ઉપયોગ તમને તમારા આસપાસનો લોકોથી દૂર કરી દે છે. 

ફ્રી ટાઈમ પરિવારને આપો 

પરિવાર અને જીવનસાથી કરતાં વધુ સમય મોબાઈલ પર વિતાવવાથી તેમને મહેસૂસ થઈ શકે છે, કે તમે કોઈને નજરઅંદાજ કરી રહ્યા છો. એવામાં તેમના પ્રત્યે તમારો આ વ્યવહાર તેમને ઠેસ પહોચાડી શકે છે. એટલે ફ્રી ટાઈમમાં પરિવાર અને બાળકોને સમય આપો. 

દૂર રહેવાનું કારણ

દિવસભર મોબાઈલ ફોનમાં ન્યુઝ અને મનોરંજન સાથે જોડાયેલી વસ્તુઓ જોતા રહેવા અને પરિવાર માટે સમય ન કાઢવાના કારણે તમારા પરિવાર સાથેના સંબંધમાં અંતર વધતું રહે છે. એટલા માટે ખાસ કરીને પરિવાર અને બાળકો માટે સમય જરુર કાઢો.

લાગી શકે છે ખોટુ

જો તમે તમારા લાઈફ પાર્ટનર સાથે વાત કરતી વખતે અથવા તેમની સાથે હોવા છતાં પણ તેમને કોઈ રિસ્પોન્સ ન આપી સતત ફોનમાં ધ્યાન આપતાં રહેશો તો તેનાથી તેમને ખોટુ લાગી શકે છે. તેમા જો સતત આ રીત ચાલતું રહે તો તેની અસર તમારા સંબંધ પર પડી શકે છે. એટલે પરિવાર સાથે બેસતી વખતે મોબાઈલનો ઉપયોગ ન કરવાની કોશિશ કરો, જેથી કરીને તમારા પરિવારમાં આનંદ રહેશે.