મુંદરાના મોખા પુલ પાસે 3.12 લાખના દારૂના જથ્થા સાથે બુટલેગર ઝબ્બે

પ્રાગપર પોલીસે ક્રેટા કારમાંથી ૪૨ પેટીમાં ૫૦૪ બોટલો કબ્જે કરી

પ્રાગપર પોલીસે બાતમીના આધરે મોખા પુલ પાસે બેરેકની આડ રાખીને વોચ ગોઠવી હતી. જેમાં માંડવી તરફથી આવતી બાતમી મુજબની સફેદ ક્રેટા કારને રોકીને તલાસી લેતાં તેમાંથી રૂપિયા ૩,૧૧,૯૮૮ની કિંમતની ૫૦૪ બોટલ ભરેલા ૪૨ બોક્સ મળી આવ્યા હતા. કાર ચાલક પાંચોટીયા ગામના ધનરાજ રણમલભાઇ ગઢવી (ઉ.વ.૪૧)ને પકડી પાડયો હતો. આરોપીની પુછપરછમાં મુળ પાંચોટીયાના અને હાલ માંડવી રહેતા દેવરાજ ગોપાલ ગઢવીએ લાયજાથી કારમાં દારૂની બોટલો ભરીને વવાર ગામના પાટીયા પાસે મુકીને પરત આવી જવાનું જણાવ્યું હોવાની પોલીસ સમક્ષ કબુલાત આપી હતી. પ્રાગપર પોલીસે ધનરાજ પાસેથી દારૂનો જથ્થો તેમજ સાડા આઠ લાખની કાર અને મોબાઇલ કબ્જે કરીને ધનરાજ અને દેવરાજ ગઢવી સામે ગુનો નોંધીને આગળની તપાસ હાથ ધરી છે.