નડિયાદના સંતરામ મંદિરમાં આજે સાકરવર્ષામાં હજારો ભક્તો ઉમટશે

- 193 માં સમાધિ મહોત્સવની ઉજવણી પ્રસંગે

- નડિયાદમાં પરંપરાગત મેળાની રંગત જામશે : માઘી પૂનમ નિમિત્તે ડાકોરમાં રણછોડરાયજીના વિશેષ શ્રૂંગાર- પૂજા કરાશે

તા. ૨૪મીને શનિવારે માઘી પૂનમ નિમિત્તે નડિયાદના સંતરામ મંદિરમાં દિવ્ય સાકરવર્ષા કરી ભક્તો ભક્તિમાં તલ્લીન થશે, તો સાથે જ મહાસુદ પૂનમે નડિયાદમાં ભરાતો લોકમેળો ખુબ જ પ્રખ્યાત હોવાથી, જિલ્લાભરના લાખો લોકો આ મેળો જોવા માટે ઉમટશે. ત્યારે નાની મોટી ચગડોળો સહિત લારી, પાથરણાવાળા અને અવનવી વસ્તુઓના સ્ટોલો ઊભા કરાયા છે. 

નડિયાદમાં ચાલતા આ પરંપરાગત લોકમેળામાં રાતનો નજારો પણ અનેરો છે.આ સાથે જ આજે ડાકોરના શ્રી રણછોડરાયજીના મંદિરમાં પણ માઘ પૂણમા પર ભક્તોનું ઘોડાપૂર ઉમટશે. મંગળા આરતીનો હજારો ભક્તો લ્હાવો લેશે. ત્યારે ભગવાનને વિશેષ શણગાર કરાશે, તો તેમની વિશેષ પૂજા અર્ચના થશે.