વિરપુરમાં ચાલુ કાર પર ચઢી વિદ્યાર્થીઓએ જોખમી સ્ટંટ કર્યા

- કોલેજના વાર્ષિકોત્સવમાં યુવાનો ભાન ભૂલ્યા

- કેટલાક વિદ્યાર્થીઓએ શર્ટ પણ કાઢી નાંખ્યાં

વિરપુર : વિરપુરની આર્ટ્સ કોલેજના વાર્ષિકોત્સવ દરમિયાન કોલેજના ગ્રાઉન્ડમાં ચાલુ કાર પર ચઢી ગીતો પર ડાન્સ કરી, સ્ટંટ કરી રહેલા વિદ્યાર્થીઓનો વીડિયો સોશિયલ મીડિયામાં વાયરલ થયો છે.

વિરપુરની કે.શી. શેઠ આર્ટ્સ કોલેજમાં વાર્ષિકોત્સવનું આયોજન કરાયું હતું. તે દરમિયાન કોલેજના ગ્રાઉન્ડમાં ૮થી ૧૦ વિદ્યાર્થીઓ ચાલુ કાર પર ચઢીને, બોનેટ પર બેસીને, ગીતો પર ડાન્સ કરી સ્ટંટ કરી રહ્યા હોવાનો વીડિયો સોશિયલ મીડિયામાં વાયરલ થયો છે. તેમજ કેટલાક વિદ્યાર્થીઓ શર્ટ કાઢીને ડાન્સ કરી રહ્યા હોવાનું વીડિયોમાં જણાઈ રહ્યું છે. જ્યારે ડ્રાઈવર સહિત અન્ય બે યુવકો કારની બારીમાંથી હાથ બહાર કાઢીને ડાન્સ કરી રહ્યા છે.

  ત્યારે વીડિયો વાયરલ થતાં કોલેજના અન્ય વિદ્યાર્થીઓનો જીવ જોખમમાં મૂકનારા વિદ્યાર્થીઓને કાયદાના પાઠ ભણાવવામાં આવે તેવી માંગ ઉઠી છે.