બિલોદરા બ્રિજ પાસે પીકઅપ ગાડીની ટક્કરે એકનું મોત

- અમદાવાદ-વડોદરા એક્સપ્રેસ વે પર

- અમદાવાદનો પરિવાર વાઘોડિયા ગામે લગ્ન પ્રસંગેથી પરત ફરતો હતો ત્યારે અકસ્માત થયો

અમદાવાદના વેજલપુરમાં રહેતા અલીમુદીન અલાઉદીન મોગલ, તેમના પત્ની અને સાળા રવિવારે સવારે વાઘોડિયા ખાતે લગ્ન પ્રસંગમાં જમીને બપોરે પરત અમદાવાદ ફરી રહ્યા હતા. 

ત્યારે અમદાવાદ-વડોદરા એક્સપ્રેસ વે પર બિલોદરા બ્રિજ નજીક ગાડીમાં અવાજ આવતા ગાડી સાઈડમાં ઉભી રાખી હતી. દરમિયાન ગાડીમાં પાછળ બેઠેલા રફીકભાઈ લુહાર દરવાજો ખોલી ગાડીમાંથી નીચે ઉતરતા હતા. 

ત્યારે પાછળથી પુરઝડપે આવેલી પીકઅપ ગાડીએ ટક્કર મારતા રફીકભાઈને ગંભીર ઈજાઓ પહોંચી હતી. જેથી તેમને તાત્કાલીક એમ્બ્યુલન્સ મારફતે નડિયાદની સિવિલ હોસ્પિટલમાં ખસેડવામાં આવ્યા હતા. 

જ્યાં રફીકભાઈને મૃત જાહેર કરાયા હતા. આ અંગે નડિયાદ પોલીસે ગુનો નોંધી કાયદેસરની કાર્યવાહી હાથ ધરી છે.