બીડજ ગામે ફાર્મ હાઉસમાંથી 9.44 લાખનો દારૂ ઝડપાયો

- વિદેશી દારૂની 5076 બોટલો જપ્ત

- દરોડા દરમિયાન એક પણ શખ્સ મળી ન આવતા કામગીરી સામે સવાલો : ફાર્મ હાઉસના માલિક સામે ગુનો નોંધાયો 

બીડજ ગામે એનડીડીબી ગૌશાળા આશ્રમ સામે આવેલા દિલીપભાઈ પટેલના ફાર્મમાં ઘાસચારો ભરવાની ઓરડીમાં વિદેશી દારૂ ઉતારી, કટિંગ કરી, સપ્લાય કરવામાં આવી રહ્યો હોવાની બાતમી ખેડા ટાઉન પોલીસને મળી હતી. જેના આધારે પોલીસે સોમવારે મોડી સાંજે ફાર્મહાઉસમાં દરોડો કર્યો હતો. જેમાં ઓરડીમાંથી વિદેશી દારૂની અલગ-અલગ બ્રાન્ડની નાની- મોટી ૫,૦૭૬ બોટલો મળી આવી હતી. જોકે, દરોડા દરમિયાન ફાર્મ હાઉસના માલિક દિલીપ પટેલ કે અન્ય કોઈ પણ શખ્સ હાજર મળી આવ્યા નહતા. પોલીસે રૂ. ૯,૪૪,૪૦૦ની કિંમતનો વિદેશી દારૂ જપ્ત કરી, ગુનો નોંધી ફાર્મ હાઉસના માલિક, દારૂની કટિંગ કરનાર બુટલેગર સહિતના શખ્સોને શોધવા તપાસ હાથ ધરી છે.