પિકઅપ ગાડીમાં શાકભાજીની આડમાં લઇ જવાતો 4.44 લાખનો દારૂ ઝડપાયો

- હાલોલના પાવાગઢ રોડ પર ટીંબી ત્રણ રસ્તા પાસે 

- ચાલક સાથે એક કિશોર પણ ઝડપાયો, દારૂનો જથ્થો મંગાવનાર પાદરના બૂટલેગર સામે ગુનો દાખલ

હાલોલ : હાલોલ રૂરલ પોલીસે શાકભાજી (દૂધી)ની આડમાં મધ્યપ્રદેશથી પાદરા ખાતે બોલેરો ગાડીમાં લઈ જવાતો ૪.૪૪ લાખનો વિદેશી દારૂ ઝડપી પાડયો હતો.

એક બોલેરો પીકઅપ ગાડી આવતા પોલીસે તેને રોકવાની કોશિશ કરતા બોલેરો ગાડીના ચાલકે ગાડી ઉભી રાખ્યા વિના બોલેરો ગાડીને ભગાવતા પોલીસે તેનો પીછો કરી પેટ્રોલ પંપ નજીકથી બોલેરો ગાડીને આંતરી હતી જેમાં રૂરલ પોલીસે બોલેરો ગાડી સહિત ગાડી મૂકીને ભાગવા જતી બે  વ્યક્તિઓને ઝડપી પાડી હતી. જેમાં પોલીસે ગાડીમાં ચેક કરતા બોલેરો પીકઅપ ગાડીમાં શાકભાજી એટલે કે દુધી ભરેલ હતી જે દુધીના જથ્થાની નીચેથી પોલીસને  વિદેશી દારૂની પેટીઓ હોવાનું જોવા મળતા પોલીસે દુધીની આડમાં છુપાવીને લઈ જવાતો  વિદેશી દારૂની ટીન બિયર અને ક્વાટરીયાની બોટલો રૂ. ૪,૪૪,૦૦૦ નો જથ્થો મળી પોલીસને મળી આવ્યો હતો જેમાં પોલીસે બોલેરો ગાડીમાં વિદેશી દારૂનો જથ્થો ભરી જતા ખેપિયા મદન અંતરસિંગ મડલોઈ રહે. ગડત, કોટવાલ ફળિયા,પોસ્ટ અને જિલ્લો અલીરાજપુર મધ્ય પ્રદેશને ઝડપી પાડયો હતો.જેમાં તેની સાથે તેની સાથે એક કાયદાના સંઘર્ષમાં આવતો કિશોર પણ હતો.જેમાં પોલીસે ઝડપાયેલા મદન મડલોઈની પૂછપરછ કરતા તેને આ જથ્થો મધ્યપ્રદેશના આલિરાજપુર કોઠુ ખાતે રહેતા મહેતાબ  બોલેરો ગાડીમાં ભરીને આપ્યો હતો આ જથ્થો વડોદરા જિલ્લાના પાદરા ખાતે પહોંચાડવાનું હોવાનું જણાવ્યું હતું.જેમાં પોલીસે વિદેશી દારૂનો જથ્થો અને બોલેરો પીકપ ગાડી  અંદાજે ૩ લાખ તેમજ મોબાઇલ અને રોકડ રકમ મળી કુલ રૂ.૭,૪૯,૨૦૦ નો મુદ્દામાલ  જપ્ત કર્યો હતો.

ઝડપાયેલ આરોપી મદન મડલોઇ મળી આ વિદેશી દારૂનો જથ્થો પહોંચાડનાર મેહતાબ તેમજ આ દારૂનો જથ્થો મંગાવનાર પાદરાના બૂટલેગર સામે હાલોલ રૂરલ પોલીસ મથકે પ્રોહીબિશન એક્ટ હેઠળ ગુનો નોંધી  કાર્યવાહી હાથ ધરી છે.