લાડવેલ ગામના ખેતરમાંથી 2.65 લાખનો દારૂ ઝડપાયો

- ખંતરમાં દારૂ ભરી વેચાણ કરાતું હતું

- કઠલાલ પોલીસના દરોડામાં ખેતરમાં વેચાણ કરતા બંને શખ્સો ફરાર થવામાં સફળ

કઠલાલના લાડવેલ ગામે રાધા વિસ્તારમાં રહેતા વિજય ઉર્ફે કારિયો પરમાર તથા કલ્પેશભાઈ કાભાઈ પરમાર પાસ પરમીટ વગર તેઓના ખેતરમાં ભારતીય બનાવટના વિદેશી દારૂનું વેચાણ કરી રહ્યા હતા. ત્યારે કઠલાલ પોલીસ દ્વારા તેઓના ખેતરમાં તથા ડાંગરવાળા ખેતરમાં તપાસ કરતા મોટી માત્રામાં વિદેશી દારૂ મળી આવ્યો હતો. જેમાં દારૂ કવાટર નંગ ૧,૭૫૪ તથા બીયર ટીન નંગ ૪૮ મળી કુલ રૂપિયા ૨,૬૫,૦૨૦નો મુદ્દા માલ ઝડપી પાડયો હતો. પરંતુ સ્થળ ઉપરથી દારૂનું વેચાણ કરનાર વિજય પરમાર તથા કલ્પેશ પરમાર રહે. લાડવેલવાળા સ્થળ ઉપરથી નાસી ગયેલા હોવાથી બંને વિરૂદ્ધ ગુનો દાખલ કરી પોલીસે કાર્યવાહી હાથ ધરી હતી.