મહેમદાવાદના કેસરા ગામે શોભાયાત્રામાં ડીજે વગાડવાના મામલે મારામારી

- બે કોમના લોકો સામસામે આવી જતા તંગદિલી વ્યાપી

- શિવ મંદિરના પ્રતિષ્ઠા મહોત્સવની યાત્રા મસ્જિદ પાસેની નીકળી હતી, આખરે સમાધાન થતા મામલો થાળે પડયો

મહેમદાવાદના કેસરા ગામમાં ૫ તારીખે મંગળવારના રોજ હિન્દુ આગેવાનો દ્વારા રેલી કઢાઈ હતી. કેસરા ગામમાં ઘોરેસ્વર મહાદેવના મંદિરની પ્રતિામાં ડી.જે. સાથે શોભાયાત્રા કાઢવામાં આવી હતી. જેમાં ડી.જે. વાગી રહ્યુ હતું. આ દરમિયાન ડી.જે. સાથેની રેલી ગામની મસ્જિદ પાસે પહોંચી હતી. જ્યાં ડી.જે.માં વાગતા ગીત મામલે હિન્દુ અને મુસ્લિસ સમાજના લોકો વચ્ચે મારામારી થઈ હતી અને વાતાવરણ તંગદીલ બન્યુ હતુ. આ દરમિયાન સ્થાનિકોએ પોલીસને જાણ કરી હતી. જ્યાં પોલીસ ઘટના સ્થળે પહોંચી હતી. જો કે, આ સમગ્ર મામલે સ્થાનિક અને પોલીસ સૂત્રો દ્વારા મળતી માહિતી મુજબ બંને પક્ષ વચ્ચે સમાધાન થયુ હતુ. જેના કારણે પોલીસ ચોપડે કંઈ નોંધાયુ નથી.