અજાણ્યા વાહનની ટક્કરે રિક્ષામાં સવાર યુવાનનું મોત

- વસો કૃષિ યુનિવર્સિટી પાસે અકસ્માત

- સિહોલડી દાદુપુરા ગામના યુવાનનું મૃત્યુ  રિક્ષામાં બેઠેલા અન્ય મુસાફરોને પણ ઈજા

વસો તાલુકાના સિહોલડી દાદુપુરામાં રહેતા ભરતભાઈ હરમાનભાઈ પરમાર મંગળવારે રિક્ષામાં બેસી ઘરે જઈ રહ્યા હતા. ત્યારે રીક્ષા વસો પીજ રોડ ઉપરથી પસાર થતી હતી. વસો કૃષિ યુનિવસટી નજીક અજાણ્યા વાહને રિક્ષાને ટક્કર મારતા રિક્ષામાં બેઠેલા મુસાફરોને ઈજા થઈ હતી. જે પૈકી ભરતભાઈ હરમાનભાઈ પરમારનું ગંભીર ઈજા થતાં ઘટના સ્થળે જ મોત નિપજ્યું હતું. આ બનાવ અંગે રાજેશભાઈ લક્ષ્મણભાઈ સોલંકીએ વસો પોલીસમાં ફરિયાદ નોંધાવતા પોલીસે ગુનો નોંધી કાયદેસર કાર્યવાહી હાથ ધરી હતી.