નડિયાદ ખાતે જિલ્લાના પોલીસ અધિકારીઓની ક્રાઈમ કોન્ફરન્સ યોજાઈ

- 2021-22 ની સરખામણીમાં ગુનાની વધઘટનો ગ્રાફ ચકાસાયો

- સાઈબર ક્રાઇમના કેસ સહિત દેશી દારૂના વધતા કેસ અટકાવવા સૂચના અપાઇ

રાજ્ય પોલીસ વડા આશીષ ભાટિયાએ આજે નડિયાદ  જિલ્લા પોલીસ વડાની કચેરી ખાતે  પોલીસ અધિકારીઓ સાથે  બેઠક યોજી હતી. આ બેઠકમાં રેન્જ આઈ.જી, એસ.પી, ડી.વાય.એસ.પી સહિત તમામ પીએસઆઇ હાજર રહ્યા હતા. જિલ્લામાં વર્ષ ૨૦૨૧-૨૨ની સરખામણીમાં કેટલા ગુનાની વધઘટ થઈ તેનો ગ્રાફ ચકાસવામાં આવ્યો હતો.આ ઉપરાંત જિલ્લામાં વધતા સાયબર ક્રાઈમ, નાર્કોટીસ્ટ નશાબંધી, શી ટીમ, લેન્ડ ગ્રેબિગની કામગીરી સહિત ૨૭ મુદ્દાઓની ચર્ચા કરવામાં આવી હતી. લગભગ ચાર કલાકની મેરેથોન બેઠકમાં જિલ્લામાં કાયદો અને વ્યવસ્થા જળવાય રહે તે માટે તટસ્થ રીતે કાર્યવાહી કરી પગલાં લેવા સુચના  આપવામાં આવી હતી.