બામણગામ પાસે બાઇક ઉપર જઇ રહેલા દંપતીને ટ્રેલરે અડફેટે લેતા પત્નીનું મોત

- અકસ્માત સર્જનાર અજાણ્યા ટ્રેલક ચાલક સામે ગુનો દાખલ

વડોદરા તાલુકાના આલમગીર ગામે ખાતે રહેતાં દિનેશ ભાઈ રાયસિંગ ભાઈ સલાટ નાઓ ગત તા.૪ ના રોજ પત્ની અનુબેન સાથે બાઇક લઈ કરજણ તાલુકાના અણસ્તુ ગામે આવેલી તેમની સાસરીમાં જઈ રહ્યા હતાં.

તે દરમિયાન ને.હા.૪૮ ઉપર બામણગામ નજીકથી પસાર થઈ રહ્યા હોય ખોડીયાર કાઠિયાવાડી હોટલ પાસે પૂરઝડપે  હંકારી રહેલા ટ્રેલરના ચાલકે દિનેશ ભાઈની બાઈકને પાછળથી અથાડી અકસ્માત કર્યો હતો. પરિણામે બાઇક સવાર દંપતી રોડ ઉપર પટકાતાં પાછળ બેઠેલા અનુબેન દિનેશ ભાઈ (ઉ.વ.૪૫) ઉપર ટ્રેલરના  વ્હીલ પેટના ભાગે ફરી વળતાં જીવલેણ ઈજા થતાં ઘટના સ્થળે  મોત નિપજ્યું હતું. 

જ્યારે દિનેશ ભાઇને પગમાં ઈજા થઇ હતી.પોલીસે અકસ્માત કરનાર અજાણ્યા ટ્રેલર ચાલક વિરૂધ્ધ ગુનો નોંધી કાયદેસરની કાર્યવાહી હાથ ધરી છે.