વડોદરા જિલ્લાના ભૂગર્ભમાં વોટર લેવલમાં 1 થી 11 મીટર સુધીનો વધારો

- સેન્ટ્રલ ગ્રાઉન્ડ વોટર બોર્ડના રિપોર્ટ મુજબ

- સૌથી વધુ અટલાદરાના ભૂગર્ભ જળસ્તરમાં વધારો, ટુંડાવ, ચાણસદ સહિત ૨૫ ગામોનાં પણ જળસ્તર વધ્યા

તેની સામે વર્ષ ૨૦૨૪ના ઉનાળામાં ૭.૮૦ મીટરે નોંધાયું હતું. અહીં એમબીજીએલથી ૧૧.૩ મીટરની વૃદ્ધિ નોંધાઇ હતી.

સાવલી તાલુકાના ટુંડાવ ગામે પણ સારું પરિણામ જોવા મળ્યું છે. અહીં વર્ષ-૨૦૨૧ના ઉનાળા દરમિયાન ભૂગર્ભ જળની ઉંડાઇ જમીનના ઉપલા સ્તરથી ૧૧ મીટર નીચે જણાઇ હતી. આ જ પ્રમાણ વર્ષ-૨૦૨૪ના ઉનાળામાં ૭ મીટર નોંધાયું છે. એનો મતબલ કે જમીનમાં પાણીનું સ્તર ચાર મીટર ઉંચું આવ્યું છે. આ સ્તરને મીટર બિલો ગ્રાઉન્ડ લેવલ તરીકે માપવામાં આવે છે. વડોદરા જિલ્લામાં આ સ્તર ૨૨ થી ૫૬ મીટર વચ્ચે છે. પાદરા તાલુકાના ચાણસદમાં ગ્રીષ્મ-૨૦૨૧માં ૬.૯૦ મીટર નીચે જળ હોવાની સામે આ ઉનાળામાં ૪.૪૦ મીટરનું પ્રમાણ નોંધાયું હતું. અહીં ત્રણ વર્ષમાં અઢી મીટરની વૃદ્ધિ નોંધાઇ છે.