જામનગરમાં પટણીવાડ વિસ્તારમાં બાઈક પાર્ક કરવાના પ્રશ્ને ઝગડો થયા પછી યુવાન પર છરી વડે હુમલો : બે સામે ફરિયાદ

Crime News Jamnagar : જામનગરના પટણીવાડ વિસ્તારમાં રહેતા એક યુવાન પર બાઈક પાર્ક કરવાના પ્રશ્ને બે શખ્સોએ ઝઘડો કર્યો હતો, અને છરી વડે હુમલો કરી દીધાની ફરિયાદ પોલીસમાં નોંધાવાઇ છે. પોલીસે બંને હુમલાખોર આરોપીઓની શોધખોળ શરૂ કરી છે.

 આ હુમલાના બનાવની વિગત એવી છે કે જામનગરમાં પટણી વાડ વિસ્તારમાં રહેતી સમીમબેન હૈદર હુસેન કુરેશી નામની મહિલાએ પોતાના સમીર ઇકબાલભાઈ કુરેશી ઉપર છરી વડે હુમલો કરી ઇજા પહોંચાડવા અંગે તે જ વિસ્તારમાં રહેતા ઝાકીર ઈસ્માઈલ પટણી અને તેના સાઢુભાઈ આરીફ પટણી સામે ફરિયાદ નોંધાવી છે.

 ફરિયાદીના ભાઈ સમીર ઈકબાલ કુરેશીએ પટણીવાડ વિસ્તારમાં એસ.કે.રેસ્ટોરન્ટવાળી ગલીમાં પોતાનું મોટરસાયકલ પાર્ક કર્યું હતું, જ્યાં આરોપીનુંઘર હતું, વાહન પાર્ક કરવાના મુદ્દે બંને વચ્ચે તકરાર થયા પછી આ હુમલો કરાયાનું પોલીસમાં જાહેર થયું છે. જે બંને હુમલાખોર આરોપીઓને પોલીસ શોધી રહી છે.