જામનગર નજીક ઢીંચડા ગામે આવેલા તળાવમાં ન્હાવા પડેલા એક યુવાનનું ડૂબી જવાથી કરુણ મૃત્યુ

Image Source: Freepik

જામનગરમાં ધરારનગર આવાસમાં રહેતો એક યુવાન ઢીંચડા ગામે આવેલા તળાવમાં નાહવા પડ્યો હતો, જ્યાં ઊંડા પાણીમાં ગરકાવ થઈ જતાં ડૂબી જવાથી તેનું મૃત્યુ નીપજ્યું છે. 

આ બનાવની વિગત એવી છે કે જામનગરમાં ધરાનગર આવાસ ના બ્લોક નંબર ૨૪ માં રૂમ નંબર 23માં રહેતો દીપક બાવનજીભાઈ પરમાર નામનો 40 વર્ષનો યુવાન કે જે ગઈકાલે બપોરે 12:00 વાગ્યાના અરસામાં ઢીંચડા ગામે આવેલા તળાવમાં નહાવા માટે પડ્યો હતો. જયાં ઊંડા પાણીમાં ડૂબી જવાના કારણે તેનું મૃત્યુ નીપજ્યું હતું. 

આ બનાવ અંગે મૃતકના સંબંધી મનોજ રમેશભાઈ વાઘેલાએ પોલીસને જાણ કરતાં બેડી મરીન પોલીસ સ્ટેશનના પોલીસ હેડ કોન્સ્ટેબલ એસ. કે. જાડેજાએ મૃતદેહ નો કબજો સંભાળી વધુ તપાસ હાથ ધરી છે.