જામનગરમાં શાપર ગામના વાડી વિસ્તારમાં જંગલી શિયાળનો આતંક : બે બાળકો સહિત પાંચને બટકા ભર્યા

Jamnagar News : જામનગર તાલુકાના શાપર ગામમાં વાડી વિસ્તારમાં જંગલી શિયાળ દ્વારા આતંક મચાવવામાં આવ્યો હતો, અને બે બાળકો સહિત પાંચ વ્યક્તિને બટકા ભરી લેતાં ભયનો માહોલ સર્જાયો હતો.

શાપર ગામમાં શ્રમિક પરિવારોની વસાહત રહે છે. ત્યાં આજે બપોરે જંગલી શિયાળ ત્રાટક્યું હતું, અને સૌપ્રથમ ત્યાં રમી રહેલા બે બાળકોને બટકા ભર્યા હતા. ત્યારબાદ શ્રમિક પરિવારના અન્ય ત્રણ સભ્યોને પણ બટકા ભરી લેતાં ભયનું વાતાવરણ બની ગયું હતું.

 જે બનાવની 108 ની ટુકડીને જાણ કરાતાં 108 ની ટીમ શાપર ગામે પહોંચી ગઈ હતી, અને સૌપ્રથમ સ્થળ પર પાંચેયને પ્રાથમિક સારવાર કર્યા પછી વધુ સારવાર માટે જામનગરની જી.જી. હોસ્પિટલમાં ખસેડવામાં આવ્યા છે. આ બાબતે ફોરેસ્ટ વિભાગની ટીમને પણ જાણ કરવામાં આવી છે.