જામજોધપુરના ગોપ પાસેથી કેબલ ચોરીના બે આરોપી ઝડપાયા

image : Freepik

જામનગર,તા.22 ફેબ્રુઆરી 2024,ગુરૂવાર

જામજોધપુર તાલુકાનાં ગોપ ગામના પાટિયા પાસે થી રિક્ષામાં જતા કેબલ ચોરીના બે આરોપીઓને પોલીસે ઝડપી લીધા હતા.

જામજોધપુર પો.સ્ટેનો સ્ટાફ પેટ્રોલીંગમા હતો તે દરમ્યાન ટેકનીકલ તથા હ્યુમન સોર્સ દ્વારા મળેલી બાતમીના આધારે ગોપ ગામના પાટીયા પાસે વોચમાં રહી ત્યાંથી પસાર થતી ઓટો રીક્ષાને આંતરી હતી અને જી.જે.15 એ.યુ. 2361 નંબરની ઓટો રીક્ષામાંથી રૂ.7000 ની કીમતનો સોલાર કેબલ આશરે 150 મીટર કબ્જે કરી શામજીભાઈ ભુરાભાઈ વાઘેલા (રહે. મુળગામ-દેવ નગર, આવાસ પાછળ મયુરનગર મેઈન રોડ. જામનગર હાલ-ગોપ ગામના પાટીયે નદીના પટ્ટમા તા.જામજોધપુર તથા  કમલેશભાઈ માધાભાઈ પરમાર (રે.મુળગામ-કોટડાના પાટીયે, હાલ-ગોપ ગામના પાટીયે નદીના પટમા તા.જામજોધપુર) ને ઝડપી લીધા હતા. આમ પોલીસે કેબલ ચોરીના બે ગુનાનો ભેદ ઉકેલ્યો હતો.