જામનગરમાં વાહન ચોરો બેખોફ બન્યા : ટુ વ્હિલર બાદ હવે ટ્રકની પણ ચોરી કરી ગયાની પોલીસ ફરિયાદ

image : Freepik

 Vehicle Theft Case : જામનગરમાં બુરહાની પાર્ક સોસાયટીના ઢાળીયા પાસે પાર્ક કરવામાં આવેલો એક ટ્રક કોઈ તસ્કરો ચોરી કરી લઈ ગયાની ફરિયાદ પોલીસમાં નોંધાવાઇ છે. જે તસ્કરને પોલીસ શોધી રહ્યા છે.

 જામનગરમાં મકવાણા સોસાયટીમાં રહેતા અને ટ્રક ડ્રાઇવિંગ કરતા અબ્બાસભાઈ મસ્કતી આરબ નામના 57 વર્ષના ટ્રક ચાલકે ગત 7મી તારીખે રાત્રીના સમયે પોતાનો જી.જે.10 એક્સ. 9294 નંબરનો ટ્રક બુરહાની પાર્ક વિસ્તારમાં પાર્ક કર્યો હતો, ત્યાંથી કોઈ તસ્કરો રૂપિયા સાડાસાત લાખની કિંમતના ટ્રકને કોઈપણ રીતે ચાલુ કરી હંકારી ગયા હતા. 

જે બનાવ અંગે અબ્બાસભાઈ આરબે જામનગરના સીટી એ. ડિવિઝન પોલીસમાં ફરિયાદ નોંધાવતાં પોલીસ આ બાબતની તપાસ કરી રહી છે, અને ટૂંક સમયમાં આ ટ્રકની ચોરી કરી જનાર પોલીસના હાથવેંતમાં આવી જાય તેમ મનાઈ રહ્યું છે.