કાલાવડ તાલુકાનાં રણુજાનાં મેળામાં ગયેલ યુવાનનો મોબાઇલ ફોન ચોરાયો

Image Source: Freepik

જામનગર, તા. 18 ફેબ્રુઆરી 2024, રવિવાર

કાલાવડમાં રહેતો યુવાન તાલુકાના રણુજા ગામે યોજાયેલા મેળામાં મોજ માણવા ગયો હતો. ત્યારે કોઈ તસ્કરો  તેના ખિસ્સામાંથી રૂપિયા 20 હજારની કિંમતનો મોબાઇલ ફોન ચોરી કરી લઈ ગયા હતા. કાલાવડ માં રહેતો હાર્દિક હરેશ ત્રિવેદી નામનો યુવાન ગત તા. 24૪/9/2023નાં કાલાવડ તાલુકાના હરીપર( દેવપુર) રણુજાનામાં આયોજિત રામદેવપીરના મેળામાં મોજ માણવા માટે ગયો હતો. ત્યારે કોઈ તસ્કરો તેના શર્ટ ના ખિસ્સામાંથી રૂપિયા 19,999ની કિંમતનો મોબાઇલ ફોન ચોરી કરી લઈ ગયા હતા. આ બનાવ અંગે તેણે ગઈકાલે પાંચ માસ પછી પોલીસે ફરિયાદ નોંધી હતી.અને તપાસ શરૂ કરી છે.