જામનગર શહેરમાંથી મોટરસાઇકલની ચોરી કરનાર આરોપી LCBના હાથે ઝડપાયો

Jamnagar Bike Theft Case : જામનગર એલસીબીએ એક વર્ષ પહેલાં થયેલી મોટરસાઇકલ ચોરીના ગુનાનો ભેદ ઉકેલી આરોપીને ઝડપી પાડ્યો છે. મળતી માહિતી મુજબ, જામનગર જિલ્લા પોલીસ વડા પ્રેમસુખ ડેલૂના માર્ગદર્શન હેઠળ એલસીબીએ અનડિટેક્ટેડ ગુનાઓ શોધવા માટે અભિયાન હાથ ધર્યું હતું. 

આ દરમિયાન, એલસીબીના પોલીસ ઇન્સ્પેક્ટર અને ઇન્ચાર્જ પોલીસ ઇન્સ્પેક્ટરના માર્ગદર્શન હેઠળ પોલીસ સબ ઇન્સ્પેક્ટર અને તેમની ટીમે જામનગર શહેરમાં પેટ્રોલિંગ દરમિયાન ખાનગી બાતમીના આધારે બાવરી વાસ ખુલ્લા ફાટક પાસેથી રાજુભાઇ ઉર્ફે રાજા બળવંતભાઇ કોળીને ચોરાયેલી હોન્ડા મોટરસાઇકલ સાથે ઝડપી પાડ્યો હતો. 

જે આરોપી વિરુદ્ધ જામનગરના સિટી સી.ડીવીઝન પોલીસ સ્ટેશનમાં ગુનો નોંધવામાં આવ્યો છે.