જામનગરના શાપર ગામમાં સિક્કા પોલીસનો જુગાર અંગે દરોડો: ચાર જુગારીઓ પકડાયા

 જામનગર,તા.02 ફેબ્રુઆરી 2024,શુક્રવાર 

જામનગર તાલુકાના શાપર ગામમાં સિક્કા પોલીસે જુગાર અંગે દરોડો પાડી ચાર જુગારીઓને ઝડપી લીધા છે, અને જુગારનો સામાન કબજે કર્યો છે.

 જામનગર તાલુકાના શાપર ગામમાં કેટલાક તત્વો જાહેરમાં એકત્ર થઈને ગંજીપાના વડે હારજીતનો જુગાર રમી રહ્યા છે, તેવી બાતમીના આધારે સિક્કા પોલીસે દરોડો પાડયો હતો, અને જાહેરમાં ગંજીપાનાનો જુગાર રમી રહેલા મનીષ ચંપકલાલ રાવલ, ગૌતમ પેથાભાઈ પટેલ, જયંતીભાઈ છગનભાઈ ગામી, અને લલીતભાઈ અંબાલાલભાઈ પટેલની અટકાયત કરી લઈ, તેઓ પાસેથી 11,220 ની રોકડ રકમ અને જુગારનો સામાન કબજે કર્યો છે.